لا روحي (مكتوبة) - باسم الكربلائي

 

 

لا روحي و لا گلبي بعد يگدر
يتحمل جرح من الزمن اكثر
راح ارفع قضيتي الموسى بن جعفر

يمن نعشك قبل ما تحمله الحراس
وصل يم النهر عطر الورد و الياس
عرف شخصك عزيز ابيا ثمن ينقاس
ثاري الماي حافظ ريحة العباس
جرفين النهر يم النعش طاحن
يا گلب الجسر ما تنكسر صاحن
مو گلب السمه ابهالحاله يتكسر
راح ارفع قضيتي الموسى بن جعفر

يا حال الغريب اشما يصير اغروب
روحه اتذوب سكته و شمع ليله ايذوب
من يكتب رسالة و يشرح المطلوب
يكتب و الدموع اتبلل المكتوب
بس كاظم الغيظ و لا نفذ صبره
ابطاموره و ظلام اخمسطعش عمره
سالفته الجبل من عدها يتفسر
راح ارفع قضيتي الموسى بن جعفر

اذا وكتي جرحني و حزني شد حيله
و تعبني ابنهاره و ما نمت ليله
و ما الگه اليحس ابحالي و اشكيله
اجي الباب الحوائج و اگعد احجيله
ماخذ حاجيتي من سيدي و ارضه
هذا اللي ترابه بي شفه المرضه
و ابدم الشريف الدنيه تتعفر
راح ارفع قضيتي الموسى بن جعفر

گبل لا احجي كلمة يفهم المضمون
و المدفون يدري ابيا كتر مدفون
اهمومي تفترسني و العذاب اسنون
يرد باب المراد ايگلي راح تهون
لا تبجي و لا تذرف دمع سهله
لا تگطع دعائك يا محب كمله
اي واحد يدگ بيبانه ما يخسر
راح ارفع قضيتي الموسى بن جعفر

اذا يحتار فكري و ينشغل بالي
و اسنيني العجاف ايلعبن ابحالي
اجي شايل ذنوبي و همي يبرالي
و ارد من المصايب و الذنب خالي
و ايطيبن اجروحي الجانن اينزفن
و اهمومي و عذابات الزمن يرحن
و اثيابي ابعطر شبابجه تتعطر
راح ارفع قضيتي الموسى بن جعفر

جبت عمري سفينه و ما عليها اشراع
لا شايفلي مرسه و لا حظيت ابگاع
اشوف آنه الورد ظل يندفن بالگاع
و اشوف ادموع عيني ابلا ثمن تنباع
و ادموعي كتب بيها الزمن مطلب
يا ربي الفرج كون الفرج يگرب
و احلام الصبه ابلا معنى تتبعثر
راح ارفع قضيتي الموسى بن جعفر

جبت من العاطشه للشواطي اعتاب
جم دجلة و فرات الفارگن خنياب
جم زينب تدور عن گمرها الغاب
صار الليل صادگ و الصبح جذّاب
ذبلانه الشمس وكت الفجر تطلع
نزرع بالحنان و غيرنه اليگطع
يوميه اعله حبكم ناس تتوذر
راح ارفع قضيتي الموسى بن جعفر

للشاعر : احمد الذهبي