لا تلوموني (مكتوبة) - باسم الكربلائي

 

 

لا تلوموني ...يالتغسلوني ..لوتشوفوني يبجن عيوني
الهجر يصعب عليه ...وحق بنتي الزجيه لا تلوموني

خديجه وبس محمد يدري عشكه بدمي يفتر
اني الأولى بغرامه وماسبقني الا حيدر
أحبه أكثرواشوفه مني هو يحبه أكثر
محمد بس إلهي من محبته عندي أكبر
شاءت اقداري. ..شاعت اخباري
رحمه الباري ...روحه في داري
شمس مابين اديه. ..وحق بنتي الزجيه لا تلوموني

لا تلوموني ...يالتغسلوني ..لوتشوفوني يبجن عيوني
الهجر يصعب عليه ...وحق بنتي الزجيه لا تلوموني
حياة الهم عشتها واحسبتها لتالي عمري
حمل صخره اعله صدري وناري تلهب جوه صدري
إلى ما لا نهايه روحي تمشي ودمعي يجري
المهم عندي الرساله بالمواقف الله يدري
عمري ضحيته ...والوفى انطيته
حزني عديته ...زايد لقيته
وكلت واجب عليه ...وحق بنتي الزجيه لا تلوموني

لا تلوموني ...يالتغسلوني ..لوتشوفوني يبجن عيوني
الهجر يصعب عليه ...وحق بنتي الزجيه لا تلوموني

اسولف واني ميته بلايه روحي يادمعتي
تره بموتي محمد يبدي حزنه وي دفنتي
ورا هجره ودربها وحشه ليله ابلا شمعتي
طفن نجمه اعله نجمه لا ابو طالب لا نجمتي
سفره محتومه ...بليله معلومه
يفارق نجومه ...بهجره همومه
بدرب هم واذيه ...وحق بنتي الزجيه لاتلوموني

لا تلوموني ...يالتغسلوني ..لوتشوفوني يبجن عيوني
الهجر يصعب عليه ...وحق بنتي الزجيه لا تلوموني

متت ولكن دموعي تجوي خدي دمعه دمعه
جرح كلبي يسولف عن رحيلي وأني اسمعه
يكول الي يوادع اهله تبقى بداره شمعه
وأنه الذكره العزيزه الي عفتها بداري بضعه
بضعه الغالي. ..زهره أمالي
أول وتالي. ..ساكنه ابالي
هبه من الله هديه ..وحق بنتي الزجيه لا تلوموني

لا تلوموني ...يالتغسلوني ..لوتشوفوني يبجن عيوني
الهجر يصعب عليه ...وحق بنتي الزجيه لا تلوموني

ع بالي محمد من اعوفه ويبدي حزنه
حمل موتي يتعبه وهو حمله الدنيا وزنه
انه اويا جنه شجره والشماته ما تهزنه
عصر شوقي وجفوني وهذا دمعي جنه مزنه
ناري حراقه ...شمعه افراقه
حيره اشواقه ...بروحي تتلاكه
يجن كلهن سويه..وحق بنتي الزجيه لاتلوموني

لا تلوموني ...يالتغسلوني ..لوتشوفوني يبجن عيوني
الهجر يصعب عليه ...وحق بنتي الزجيه لا تلوموني

انشغل فكري بمماتي عالزجيه وعن وضعها
ترى بكبري اني واسمع ونه تطلع من ضلعها
يسطروها عالخدها ودمها ينزل وي دمعها
واني ادعي جوه لحدي عالشتمها وعالصفعها
هذا موضوعي ....النزل دموعي
طفيت شموعي. ..وكسره ضلوعي
بغض حامي الحميه. ..وحق بنتي الزجيه لاتلوموني

لا تلوموني ...يالتغسلوني ..لوتشوفوني يبجن عيوني
الهجر يصعب عليه ...وحق بنتي الزجيه لا تلوموني

دمع عيني وي زينب يرسم الطف لحظه لحظه
ترى التفكد وليها وهو كافل من يعوضه
عمت عيني وجفنها جنه جمره ماتغمضه
تشاهد صدر أخوها والحوافر من ترضه
من يأسروها ...ومن يشتموها
شمايضربوها ...دنيه يلقوها
لجن دنيه سبيه. .وحق بنتي الزجيه
لا تلوموني

لا تلوموني ...يالتغسلوني ..لوتشوفوني يبجن عيوني
الهجر يصعب عليه ...وحق بنتي الزجيه لا تلوموني

 

 

للشاعر: أحمد الذهبي