لو نويت اتروح (مكتوبة) - باسم الكربلائي
منذ ٩ أشهر٢٧١مشاهده
لطمية لو نويت اتروح مكتوبة
الرادود باسم الكربلائي
لـو نويـت اتـروح
گـلبي وين ايـروح
لوصـدگ لاسامح الله وفارگـتني
گـلبي وين ايـروح
لوصـدگ لاسامح الله وفارگـتني
يـالوداعـك آه
اسـألك بـالله
زيـنب آنـي لوجبـل واگـف شـفتنـي
اسـألك بـالله
زيـنب آنـي لوجبـل واگـف شـفتنـي
مـع السلامـه لـو گـلت
احسـبنـي مـن باچـر متـت
احسـبنـي مـن باچـر متـت
لونـويـت اتـروح
لقائـي ولقـائك سكتـه بـي كـولشي حـچيـنه
فهمنـه بعضنـه بـالدمـع لمـن بـچينـه
گلت لك قريبـة اخيـولهم صـارت علينـه
گلت لي وعد مكتـوب يـاخويـة اشـبدينـه
صـرت اشـوف الليـل
چـن سنـابـك خيـل
تسحـگ ابـصدري وتـفوت السـاعه لحـظه
چـن سنـابـك خيـل
تسحـگ ابـصدري وتـفوت السـاعه لحـظه
يمشـي ليـل المـوت
اسـرع مـن الصـوت
ليلـة وداع الحبـايب چـنها ومضـه
اسـرع مـن الصـوت
ليلـة وداع الحبـايب چـنها ومضـه
يـامـوتي ليـش استـعجلت
احسبنـي مـن باچـر متـت
لـونـويـت اتـروح
وگـفنه ابـوداعك والزمـن ويـانـه واگـف
ورجفنـه ورجـف حتـه الكـلام اعـله الشـفايف
صبـاحاً گـلتلـي تنـچـفي ادلال المضـايف
وسألتـك يـخويه ابـ يامتن للسـوط اشاگف
ورجفنـه ورجـف حتـه الكـلام اعـله الشـفايف
صبـاحاً گـلتلـي تنـچـفي ادلال المضـايف
وسألتـك يـخويه ابـ يامتن للسـوط اشاگف
واسـمع من الغيـر
مو صبـاح الخيـر
شامـت ايگـلي البقيـه فـي حيـاتج
مو صبـاح الخيـر
شامـت ايگـلي البقيـه فـي حيـاتج
وعـرشي راح ويـاك
واسـمع ابـليـاك
عرشـج الهـزله الاميـره مـو صفـاتج
واسـمع ابـليـاك
عرشـج الهـزله الاميـره مـو صفـاتج
وانـي أميـرتهم چنـت
احسـبنـي مـن باچـر متـت
لـو نويـت اتـروح
سكتنـه يـخويه وجـرحك ايسـولف واسمعـه
يگـلي نهـارچ مـو سهـل حضـريله دمعـه
امـن اشـوفك صـدر والخيـل والدنيـه اعـله ضـلعه
وحقـك آنـه والخيـمه نـوگـع فـرد وگـعه
يگـلي نهـارچ مـو سهـل حضـريله دمعـه
امـن اشـوفك صـدر والخيـل والدنيـه اعـله ضـلعه
وحقـك آنـه والخيـمه نـوگـع فـرد وگـعه
وتوگـع اسـنينـي
دمعـه مـن عـينـي
حـزنك ايـلفني جـرح فـوگا عبـايه
دمعـه مـن عـينـي
حـزنك ايـلفني جـرح فـوگا عبـايه
لا عـلى بختـك
لا يـبعد اختـك
مايـلوگ ويـه الخـدر ثـوب السـبايه
لا يـبعد اختـك
مايـلوگ ويـه الخـدر ثـوب السـبايه
وبجـالك آنـي ادللـت
احسبنـي مـن باچـر متـت
لـونـويـت اتـروح
احـاول يـخويه ومـا يـصح بيـدي وامنـعك
ولا انـي مـقاتل حتـه للميـدان اتـبعك
منـونك اقـدمه اشـلون تـقبلها وأودعـك
وأنـه ادري جـوادك يـاخذك بـس مـايرجعك
ولا انـي مـقاتل حتـه للميـدان اتـبعك
منـونك اقـدمه اشـلون تـقبلها وأودعـك
وأنـه ادري جـوادك يـاخذك بـس مـايرجعك
مـن گـلت رايـح
منـي شـي طايـح
دورت گـلبي ولگـيته مني واگـع
منـي شـي طايـح
دورت گـلبي ولگـيته مني واگـع
والله مـا أدري
احتـرگ صَـدري
لوهـذا دخُـان الخيـم من صـدري طـالع
احتـرگ صَـدري
لوهـذا دخُـان الخيـم من صـدري طـالع
حتـه بـكلامي اتعثـرت
احسبنـي مـن باچـر متـت
لـونـويـت اتـروح
منيتـي ومنيتـك باچـر اتشـاهـدها عينـي
شمـرهم يذبحـك وآنـي يـذبحنـي حـنينـي
واشـوفك تگـوم وتعثـر اتحـاول تجينـي
صـوارم وأسنه ونـار مـابينـك وبينـي
شمـرهم يذبحـك وآنـي يـذبحنـي حـنينـي
واشـوفك تگـوم وتعثـر اتحـاول تجينـي
صـوارم وأسنه ونـار مـابينـك وبينـي
انتـه زينـب ويـن
وانـي ويـن حسيـن
باچـر انـردد سـوه لحـظة منيـه
وانـي ويـن حسيـن
باچـر انـردد سـوه لحـظة منيـه
واختـك اتعـاتب
ونـحـرك ايجـاوب
انـذبح شـاء القـدر وانتـي سبيـه
ونـحـرك ايجـاوب
انـذبح شـاء القـدر وانتـي سبيـه
مـا اعـرف انـي اشـجاوبـت
احسبنـي مـن باچـر متـت
لـونـويـت اتـروح
اسـألك يـخويه وخايفـه بـس لا اعـذبك
دگـلي ابمـكاني لوصـرت شيـسـوي گلـبك
اعـاين واعـدد للـشمر كلمـا يضـربك
واشـوفه يـجر سيفـه وعـلى وجهـك يگلـبك
يـرفس ابظـهرك
مـن يـحز نحـرك
قـل هـو الله احـد دمعتـها تجـري
مـن يـحز نحـرك
قـل هـو الله احـد دمعتـها تجـري
تصـرخ اجـروحي
والصـدى بـروحي
عـوف اخـويه وهـاي آنـه وإگـطعلي نحـري
والصـدى بـروحي
عـوف اخـويه وهـاي آنـه وإگـطعلي نحـري
ماچـنه يسمـع مـن صحـت
احسبنـي مـن باچـر متـت
لـونـويـت اتـروح
للشاعر : أحـمـد الـذهـبـي
التعلیقات