طيف منك (مكتوبة) - باسم الكربلائي

 

طيف منك لو تشاهد عيني
ارد اگله الـكربله وديني

يلي صارت شوفتك بس بالحلم
بيش اشد الحيل لمن ينهدم
حسرتي عالخد مدامع تنرسم

والهجر ياوالدي يآذيني

طيف منك لو تشاهد عيني
ارد اگله الـكربله وديني

يلي خذت الروح وياك ورحت
ابغير اسمك ياحبيبي ما صحت
بويه شيبني البُعد گـد ما نحت

نار هجرك بالگـلب تچـويني

طيف منك لو تشاهد عيني
ارد اگله الـكربله وديني

تسعر النار وجمر مدمع العين
انته تدري اشگـد احبك ياحسين
وين جاوبني رحت يابويه وين

يتمت عگـبك يغالي اسنيني

طيف منك لو تشاهد عيني
ارد اگله الـكربله وديني

اسنيني حزنانه يبويه وانتظر
علمت حته الصبر معنى الصبر
ياهو يوصل كربله انطيه العمر

فدوه يامن شوفتك تحييني

طيف منك لو تشاهد عيني
ارد اگله الـكربله وديني

هواي مشتـاگه الك ياوالدي
يبدي ليلي وحسرتي بي تبتدي
بويه وابروحي الـقدومك افتدي

ما أظنك يا الأبو ناسيني

طيف منك لو تشاهد عيني
ارد اگله الـكربله وديني

روحي يعيوني عليك امعلمه
لا هو طبعك تنسه بنتك فاطمه
دمعتي يا والدي سالت دمه

انتظر يامهجتي اتوافيني

طيف منك لو تشاهد عيني
ارد اگله الـكربله وديني

للشاعر: عمار هليل الواسطي