يا إلهي يا علي (مكتوبة) - باسم الكربلائي

 

 

يا الهي .. يا علي
يا محمد .. يا علي
يا أمير الطف .. علي
علي علي علي .....

اريد راس إبن غانم
اريد رجعتك سالم

يبعد امك اريدك من تجيهم
صكر ويخيم اجناحك عليهم
يشتموني ويضربوني ابسبيهم
تكص السانهم وتكص اديهم
تراهم موزلم يازلمه بيهم
كبل ماترتجز لبسوا عبيهم

يامحمد بالحرب
ياسهل لكن صعب
يانبض وسط الكلب
علي علي علي

ينور جدك الخاتم
اريد راس ابن غانم

انه قبلك شفت كثرة عددهم
سبعة الآف حرمة من احسبتهم
اريدك لو وصلت الميمنتهم
تلوح ابسيفك آخر ميسرتهم
اصيح ايني الشهم كل ماخذتهم
واكلك جيبهم وترد جبتهم

ها وأريدك عالنهر
ها مثل سيف الكمر
ها تشبعهم قهر
علي علي علي

ضواك من كمر هاشم
اريد راس ابن غانم

اعرفنك ولايحتاج اذكرك
ولكن بس ابهاي اذكرك
فعال المو زلم من يمها احذرك
تره ايدور مكيده الما يكدرك
واخافن من سهم جاهل يغدرك
اخذ كلبي ودع شده اعله صدرك

هذا حيدر في بدر
هذا اشرد يا شمر
هذا يا أهل الغدر
علي علي علي

اجاك موتك الحاسم
اريد راس ابن غانم

اذا تنزل على الحومه وثراها
اريدك فوكهم تكلب سماها
عليك ابداعة اسكينه وضماها
اريد اعيونهم تخطف ضواها
السبعة الآف والواكف وراها
اهلهل لوشفت جفك لواها

لو تسد عين الضوه
لو تكص راسك الضوه
لو على خيامك نوه
علي علي علي

نخيت ربك العالم
اريد راس ابن غانم

يجاوبها علي وتسمع كلامه
يكلها اليوم اسويها القيامه
ييمه ادعيلي بس مو بالسلامه
عطش خيم على اعيوني بظلامه
واذا ابنج عليهم سل حسامه
منو ايمس والدي ويوصل خيامه

راح ازلزلها الارض
راح اشك طول وعرض
راح اصليهم فرض
علي علي علي

اشيل راسه اليقاومه
اريد راس ابن غانم

انه رايح بعد صوب المنيه
واذا ارجع اسولفج عليه
شسوي ابحالهم بالغاضريه
ادنك روسهم تحت الوطيه
واجي وراس التريدينه ابإيديه
واقدمه الوالدي واطلب هديه

ما شكيت من الدمه
ما تحملت الظمه
ما بجت عين السمه
علي علي علي

واصيح بالعطش ظالم
اريد راس ابن غانم

وافوت الخيمتج يمه وابشرج
واذب هم الحرب كله اعله صدرج
يروح الماي فدوة الهذا عطرج
وتهون الدنيه كلها اكبال خدرج
واودعج ثاني مره وبيها اخبرج
ارددلهم بعد بس ما اردلج

لا اخونج بالعهد
لا نسيت انه الوعد
لا يصب دمعج بعد
علي علي علي

حسين جرحج القادم
اريد راس ابن غانم

اطيح وعينج اتشاهد يحره
السهام ابوسط كلبي مستقره
اسوي الكاع بالدم قطعه حمره
وابوي ايشيلني ايريد اعله صدره
ولكن للاسف مكسور ظهره
وانه ابجسمه اعتقد ميتين طبره

مو تلجمين الجرح
مو حبيبج ينذبح
مو عذابج للصبح
علي علي علي

لحين طلعة القائم
اريد راس ابن غانم

 

للشاعر: احمد الذهبي