آني العليل - شبكة رافـد للتنمية الثقافية

آنـي العليـل المسبـي للشـام
آنـي العليـل المسبـي للشـام

بين السبايا ودمعي مسفوح
اسياط وسلاسل تاخذ الروح
وگبالي راس حسين مذبوح

الهاضمني عمتي اشلون تنضام

آني العليل المسبي للشام

بلا حيل امشي وتدمع العين
والدم اشوفه ابشيبـة احسين
ظليت بين الشامت وبين

حسرة ودموع وغربة وآلام

آني العليل المسبي للشام

القاهرني زينب تمشي واتطيح
صارت مثل سعفة ابـمهب ريح
عباس خويه ظلت اتصيح

الحگ لي صرت ابين ظـلام

آني العليل المسبي للشام

مثل النبل نظرات العيون
شمات لو طحنه يضحكون
طول الدرب بينه يشتمون

والسوط يرعب گلب الأيتام

آني العليل المسبي للشام

ويلي اعله زينب تلطم الراس
كاسر ظهرها فراگ عباس
هاي اخت اخوها گالت الناس

صارت سبية والله أيام

آني العليل المسبي للشام
__________________________

ما هاد جفني ولا نمت ليل
ثگل السلاسل ماخذ الحيل
صياح الشمر ومصاهل الخيل

ترعب دليل الرايد اينام

آني العليل المسبي للشام

بعيوني ظل حسين مرسوم
گلبي اعله زينب عمتي ملجوم
اذكرها يم المشرعه اتحوم

صاحت گمرها والها ماگام

آني العليل المسبي للشام

ياريت عمي الگمر موجود
ويشوف عمتي ودمع الخدود
شاجر گلبها وحيل ممرود

كـبرها درب الشـام چم عام

آني العليل المسبي للشام

للشاعر: آدم الحسني

آني العليل (مكتوبة) - باسم الكربلائي