انحنه ظهر الأمير وخنكته العبرة
وعينة من الدمع طاحت على الزهرة
اه و اه يا فاطمة
اه و اه يا فاطمة

حظن صدر النبوة وروح تحمل روح
كاصد للدفن ماخذ سفينة نوح
يودعها بالم والكلب منه ينوح
يامصعب محنتة وحالتة وصبرة

لم روحه بجرحهه وحطها بجفوفة
ينوح الروح روحة وشمسة مكسوفة
يعاين عالضلع واليحجن حروفة
يعين الله الشفيعة شبيها من حسره

دمع عرش الإله على الوصي اوضعه
من مد الامام جفوفة يم ضلعة
يريد يشيل ضلعة يبدلة للبضعة
واترد وردتة وما تذبل الزهرة

يبن عم الرسول ومهجته ونفسه
يمن البصر منك أخذ درسة
تعبت مركب حياتي وعالكبر ارسه
ونينك يلجم جروحي يبو العتره

تاه بحسرتة وحاير يصد ليها
لمن وصتة بيا حال يخفيها
حاير ياكبر يحمل معانيها
اليخفي شجرته وبي يحفظ السدره

عصف واسره الحزن دم كثر جروحه
وهم يخفي النعش والارض مفتوحة
جسم كلبة الامير وضمها وي روحة
ومو بأرض البقيع الزهرة بالحضرة

للشاعر: سيد حبيب الصافي