باللطم والآه (مكتوبة) - باسم الكربلائي

 

 

باللطم و الآه شيعوا فاطمة

فاطمة الدفنوها بالليل العتم
خل نشيعها بنهار و نحتزم
بالعلم تشييعها و ننطي علم
و النعش يفتر على روس الزلم
ما نريد ادموع نبجيها دمه

موكب التشييع موكب عالمي
بالصدارة نريد سيد هاشمي
من هنا من الرحاب الكاظمي
و للغري مسرانه لو للعلگمي
صرّح الكاظم الى حامي الحمه

نوصل الأرض النجف و بلا تعب
مو خشب تابوتها لازم ذهب
لافتة من الغضب بيها انكتب
انكتب تبت يدا ابي لهب
و الحطب كل يوم ناره مضرمه

بالصحن نلتم يبو حسين و نون
حتى جدران الصحن تعرف تحن
آه يالگلبك حزن رايد حزن
حتما ابگلبك حبيبك يندفن
خلي يا وجه السمه ابگلبك سمه

نسمع ابطف كربله صوت النحر
عالمخيم مروا بيها و عالنهر
يم ابو فاضل يكون المستقر
ابلا ادين شلون يحظنها الگمر
هذا ساقي الظامية و ميت ضمه

فارس املثم لگيناه ينتظر
مثل ضلع امه الزجية منكسر
ايصيح واويلاه يا أم الخدر
آنه ابو صالح يعمه و اعتذر
طالت الغيبة و بعدهي المحكمة

 

للشاعر : السيد عبد الخالق المحنه