سامحيني (مكتوبة) - باسم الكربلائي

سامحينــي لازمه اچفوفي الوصيه
سامحينــي من وكت رحتي من اديه

سامحينــي فراكچ امبين عليه

سامحينــي فراكچ امبين عليه

من شلت نعشچ يزهره من على متوني
من البچي حسيت ما ظل ماي بعيوني
گُمت أخلي إيدي اعله وجهي لايشوفوني
زينب و خوان زينب من يشبگوني

رايد اخفي وطلعت ابوجهي المصييه
رايد اخفي يا مُحب يدفن حبيبه !

سامحيني افراكچ امبين عليه

انه صياد السباع المحد إيلوحه
گالت الدنيه عجيبه وصلته جروحه
صار بيه المِثل شايل بالنعش روحه
مدري تابوتچ ابمتني مدري الملوحه

رايح ارجع لاچن اچفوفي اعله گلبي
رايح ارجع من الحزن ضيعت دربي

سامحيني فراكچ امبين عليه

انه طشيت التراب وطشت اسنيني
بينت آثار غُربة ابروحي وبعيني
طاحت الحنيه دمعه ابطرف چـفيني
درت وجهي من التُراب ودورت ويني

ردت اكلچ هيَ مو كل فرگه فرگه
ردت اكلچ دنيه ماظل بيها ملگه

سامحيني فراكچ امبين عليه

من بعد عينچ اشوف الدنيه مگضيه
ماكو حته بصدري نسمه وحيل مابيه
والينام ابگبره يصبح ماكو بي جيـه
ويوگع البيت إعله أهله ابـموت راعيه

وانه اگولن راحت الزهره الحنينه
وانه اگولن انه وفراكچ إجـينـه

سامحيني فراكچ امبين عليه

والله مدري اشلون عايش انه يالزهره
وانه دافن عمري بيدي والعمر مره
ادري اليفارگ حبيبه ينكسر ظهره
دورت روحي ولگيته جرحچ اشكبره

گلبي گلي فرگة أم بيتك ثجيله
گلبي گلي ما يرد خل الـ خليله

سامحيني فراكچ امبين عليه

منيلي الحيل اعله فگدچ وانتي كل حيلي
وانه من يوم الدفنتچ مانمت ليلي
خلي من تعب البواچي اجروحي تشكيلي
ابكثر ما أبچي اعله فگدچ كولشي يبچيلي

كون اشوفچ حته لو طيف اعله عيني
كون اشوفچ ابـلا كَـسر ضلعچ تجيني

سامحيني فراكچ امبين عليه

امبلل ابدمع اشتياقي روحي ملهوفه
من كسر فرگاچ بيه طولي ماشوفه
هاي اول تالي حيدر فاطمه تعوفه ؟
واليموت ابيته غالي تبرد اچفوفه

ذكرياتي ابعيني وگعن مثل دمعه
ذكرياتي طفن كلهن شمعه شمعه

سامحيني فراكچ امبين عليه

منترس بيتي ابحسرتي بس احس خالي
راح من عيوني كولشي وبابچ اگبالي
مشت من بيتي المحنه لو مشه بالي
مابقه ابيتي اعله حاله كولشي بي غالي

انه حيــدر اجبال اعدل كون هالت
انه حيــدر هسه ليش اچتافي مالت

سامحيني فراكچ امبين عليه

 

كلمات الشاعر ~ محمد العقابي