واجب ننصر الغريب (مكتوبة) - باسم الكربلائي

واجب ننصر الغريب
رف الراية يا حبيب

الموت شمحله لو نزل
واحدنا مثل جبل
شيل الراية يا بطل
كلنا بخدمة الحبيب
رف الراية يا حبيب

احنه بنصرته خدم
بحسين اعتله القسم
فنّه اليوصل الخيم
بخزره للأجل نجيب
رف الراية يا حبيب

اي و الخالق السمه
روح نقدم و دمه
فدوه لابن فاطمة
بينا ظنه ما يخيب
رف الراية يا حبيب

حبه بكل قلب طغه
عينه نقرها بالوغه
ابن ظاهر بلغه
هو السيد المهيب
رف الراية يا حبيب

اليوصل شيبته حلم
خل عند الشمر علم
سبعينه فقط زلم
كرهم بالحرب عجيب
رف الراية يا حبيب

نكثر والله ما نقل
يحيينه تره القتل
قائدنا ابو الفضل
اليوم البالمهد يشيب
رف الراية يا حبيب

الموت ويه السبط حله
بكل شي لعينه يا هلا
اليوم انرجها كربله
و يوم الواقعه الرهيب
رف الراية يا حبيب

يحبيب ابن مظاهر
قوم شيل العلم و اظهر

قوم يا شيخ الانصار
الراية بيدك خلها تفتر

يالله قر عين العقيلة
قلها امني يبت حيدر

من اجل يرضى علينا
ننطي جف و ننطي منحر

والله ما نخلف عهدنا
بدمنا نحرسهن الخدر

يزينب و القلع هالباب منهاب
نموت و لا نشوف الخدر منهاب
غدا نتسابق على الموت منهاب
و تظل تحجي باسمنا الغاضرية

وانصار على السبعين الف سبعين
و انصار هوايه احنه و نزال نريد
و انصار خدم احنه لابو السجاد
و انصار شحلات الموت دون ابن الزجية