مذهولين (مكتوبة) - باسم الكربلائي
منذ ٨ أشهر٢٢٥مشاهده
لطمية مذهولين مكتوبة
الرادود باسم الكربلائي
مذهولين والينظر استغرب
زينب هاي لو هذا أخو زينب
چنها مو مسبيّه وبلايه ولي
چنها مقتحمه القصر لبوة علي
يا ملائكة العــــذاب تـنـزّلي
بسرعه والقصر الإماره زلزلي
والظلّام خلّيها تتعذّب
زينب هاي لو هذا أخو زينب
ابن مرجانه وأهو فوگ العرش
من صلابة بت علي ظل مندهش
حگّه لو من عدها گلبه يرتعش
هاي زينب بالحچي تلم وتطش
أم الزود والسيف المجرّب
زينب هاي لو هذا أخو زينب
سأل سائل والگلوب مروّعه
هاي زينب لو عذاب الواقعه
چنها عبّاس ونزل للمشرعه
هيّه وحده بس يشوفوها اربعه
تحچي بزود والغيره ما تتعب
زينب هاي لو هذا أخو زينب
ابن مرجانه سألها اعله الكفل
تورّط وياريته ساكت ما سأل
تگلّه وينك يوم أبو فاضل نزل
بس اعذرك وينك اوين البطل
مو عبّاس من چفّه ماتگرب
زينب هاي لو هذا أخو زينب
شما يشد بحچايته زينب تحل
وظلّت تگلّه العزيزه الما تذل
يبن مرجانه شعلامك منذهل
آنه لو انته إلّي مچتوف بحبل
ترجف ليش حالك بده يصعب
زينب هاي لو هذا أخو زينب
طلعت من الكوفه للشام اعتنت
وانتصار الدم على السيف اعلنت
يايزيد اخذ الحذر زينب دنت
حتى جدران القصر إلها انحنت
ها ييزيد للمعركه اتـأهـب
زينب هاي لو هذا أخو زينب
زينب بخطبتها سوّت زلزله
ومثّلت دين الرسول بأكمله
بوسط قصر الشام جابت كربله
وحطّت برگبة يزيد السلسله
للأمثال زينب صفت مَضرب
زينب هاي لو هذا أخو زينب
ايزيد من كلماتها گلبه ارتعد
تخربط ومن حيرته گام وگعد
تگلّه ياملعون أيّامك عدد
والله ما تمحي ذكرنه للأبد
لا ميفيد تخطيطك تخرّب
زينب هاي لو هذا أخو زينب
التعلیقات