قميص حسين (مكتوبة) - حيدر البياتي

فاطمة نشرت قميص حسين
واحنه اجيناها بدموع العين
سماوات .. و الارض .. نصبت عزيه

يله خدام شدو الحزام
هاي الايام كلها خدمه

اجه عاشور شهر النحور
خدمة حسين والله نعمه

فاطمة وانخاكم لبني حسين ويومه
حسين بالحر نايم ومسلبين هدومه
كومو لطمو صدوركم لضلوعه المهشومه
وا حسيناه

واليهل دموعه مغفورات ذنوبه
الله يرحم ذيچ الخدام المتعوبه
ذكروا ركظت زينب بالعاشر مرعوبه
وا حسيناه

اجه شهر حسين صب يدمع العين

هل محرم صيحو ياناس حسين
باقي وحده وماكو عباس حسين
صيحو بسمه الاخر انفاس حسين
يوم عاشر لطمو عالراس حسين

ابجو لمصابه بكلب دامي
بعده عبدالله الطفل ضامي

طفل ليش ينذبح بالغاضريه
سماوت والارض نصبت عزيه

نشرو رايات حسينكم مات
ماشرب ماي ابني الحسين

عمر مو يوم سود الهدوم
والتعب هاذ بذمتي دين

الله يدري بحالي من شفته بالعاشر
بيدي الم اضلوعه المسحوكه بالحافر
كمت اصيح بنوحي بيك وليدي أشصاير
يا حبيبي

يمه ليش اكبالي الخياله ترض صدرك
يمه اركض جيتك جبت الماي النحرك
يمه كطعو راسك واختك تبجي بكترك
ياحبيبي

بكل زمن ينعاد يوم ابو السجاد

عهد عدنه وما نسيناه حسين
نبقه نهتف وا حسيناه حسين
نحي ونموت احنه وياه حسين
ما نعوفه قسم بالله حسين

يا رمح شايل گلب زينب
وكلب ام حسين جمر يلهب

يخدام بت علي راحت سبيه
سماوت والارض نصبت عزيه

الله سواك. الاجل مولاك
يخلق الله. له شيعه

دمعتك هاي تسوه كل ماي
اذكر الطاح عالشريعه

انكسر ضهر حسيني من طاحت جفينه
عمد طاح براسه وطايح سهم بعينه
صوته جان بعبره يازينب يسكينه
راح اخويه

رجع وحده ومحني ناده خويه زينب
طاح راعي الرايه خويه كلبي شيب
كلبه من فراكه عطشان وضل يلهب
راح اخويه

ابجو يا هالناس للكمر عباس

وحده ضل بين اليهجمون حسين
حيره والما عنده اخو شلون حسين
حكها تبجي الزينب عيون. حسين
طاح اخوها بكربله ام عون حسين

جفه كطعوها . كمر هاشم
حتى بيه يلزم ضهر خادم

اخدموه هذا ابن سيد البريه
سماوات والارض نصبت عزيه