قرآن كلامه (مكتوبة) - باسم الكربلائي

 

 

قرآن كلامه كلامه كلامه
آيات سلامه سلامه سلامه
بالكوثر وادعني الغالي
وبسورة فاطر يقرالي

ما ادري چم مره ذكر لفظ الجلالة
واشفافه بس تفره الحمد عاللي جراله
بالفاتحه حسين ابتده بساعة نزاله
وابسورة الناس انتهت لحظة قتاله
بالموت .. سلّم وصلى
بحروف .. من كلام الله
من طاح سمعته سمعته سمعته
مذبوح عرفته عرفته عرفته
وآني ادري بدونه اشيجرالي
وبسورة فاطر يقرالي

مو يمه لكن سلّمت بثنين اديه
والخيمه ما ادري السمه طاحت عليّه
اسمع چنت صوت العظم وكت المنيه
يتشابهن ضلعه وكسر ضلع الزجيه
اصوات .. رضت عظامه
بالحال .. وصلت ايتامه
والآخ احسها احسها احسها
عالباب نفسها نفسها نفسها
ساعتها الوالد تچالي
وبسورة فاطر يقرالي

گبعني برماد الخيم ليلي وسواده
للشوفة عيونه فرض مثل العبادة
مگطع لگيته وايست من السعادة
ليش الرمل كون الگلب صاير وسادة
يا حال .. يشرح الحاله
طعناته .. حتى بخياله
ضربات عديدة عديدة عديدة
بطراف وريده وريده وريده
متناثر شيلمه الوالي
وبسورة فاطر يقرالي

من ايد اخويه ابلا رحم جرني زماني
من هيبتي الحبل السبي رأساً خذاني
والتوجع ومنها انهضم شامت سباني
ذاك الدلال البي عشت ضاع بثواني
ما خاف .. من كسر گلبي
ما طيح .. والسند ربي
لو طال مسيري مسيري مسيري
والموت مصيري مصيري مصيري
ما اركع بس لله العالي
وبسورة فاطر يقرالي

انا اختل ابراس الرمح رتل صلاته
ما غير رسوم النزف بعده بحلاته
يالكسروا اعظامه وكسر عين الشماته
الـ بالهيمه من نار الخيم فرن بناته
مفصول .. راسه عن جسمه
مذبوح .. كل حرف بسمه
والشيب تخضب تخضب تخضب
والثوب تسلب تسلب تسلب
والخنصر ظل يتراوالي
وبسورة فاطر يقرالي

انا اخت ابو فاضل وانا بعده الكفيله
يعرفني ما اشكي البشر بس اشتكيله
من اذكر اسمه يخفف البلوه الثگيله
ناديته عباس اطمأن وانا البديله
يمناي .. شالت الراية
والله .. گد الحچايه
طبيت قصرهم قصرهم قصرهم
واحتار أمرهم امرهم امرهم
خيّرهم محتار اگبالي
وبسورة فاطر يقرالي

مكسورة لكن من فتت شافوني آية
وابن الدعي بالمخضره ايحرك الثنايه
گالوا يزينب بيّنت بيج النهاية
گلتلهم وداعة علي هاي البداية
تاريخ .. عالحدث شاهد
سلطان .. عالعرش گاعد
ويشوف عملكم عملكم عملكم
ويدين فعلكم فعلكم فعلكم
معروف الناجح بالتالي
وبسورة فاطر يقرالي

 

للشاعر : احمد الذهبي