طواحين الحرب (مكتوبة) - باسم الكربلائي

 

 

يفالق ظلمة الديجور
طواحين الحرب عيدك
إلك يبن الكماة العين
تصيح وثارك انريدك

نعم يالواهبك ربك 
شواخص جدك الانزع
مدار العالم العلوي
ابراحة يمنتك يركع
يا يوم وتصد نورك
من ركن الحجر يسطع
من تنفض غبار الهم
وسيفك يبدي يتكلم
وتهدم للشرك معلم
وتصلب سيدي الجبتين
وتذبح كل خصم بيدك

يفتح للمناية ادروب 
بيدك خفگة البتار
متى نشوفك تذل خصمك
ومنهم ما تظل ديّار
أبد لا تنسى يالمهدي
كسر ضلع الشمس بسمار
الأرض صوتك يزلزلها
عاليها اعله سافلها
ابحرب عدوانك اتذلها
ويا ثار الضلع والباب
نسمع كلنه ترديدك

قواعد اسرتك طاحت
من يوم الضلع لليوم
الاوائل ظلموا الزهره
وخلوها تبث اهموم
الاواخر غدروا اجدادك
مذبوح بأثر مسموم
وتعلم چم دعي وظالم
هتك حرمة بني هاشم
نريدك سيدي القائم
ترد حگ الوصي الكرار
يمن من الله تسديدك

يطوفان الهبا الاوحد
الطعن رمح الدهر صبره
وصاحت فاطمة ابأسمك
يمهدي ابساعة العصرة
بچفن عين الشمس تعلم
آه اشعملت السطرة
ودخان الحطب بالباب
صبح دم الذبيح حجاب
طاحت والدمع سجاب
روح وناشد العتبة
عن حالتها وتزيدك

ابطامورة صبر گلبك
جرح والفاجعه تلچمه
انضربت فاطمة بالسوط
جبيره هواي هالكلمة
انجسم منها الضلع نصين
وعالحايط اثر دمه
انچوت ام الحسن بالنار
وعافت سيدي بالدار
مصيبتها الف تذكار
فدك من عدها غصبوها
يهز الدنيا تنهيدك

من ذاكه الفعل لليوم
نهر دمنه ولا ينشف
الگاع من الظلم غصت
لذبحنه الدنيا تتلهف
شوكت تظهر تخلصنه
وانته بثارك مكلف
يوميه تموت اطفال
وعينك تنظر ال هالحال
علينه تحالفوا انذال
وانت بغيبتك وحدك
وندعي الخالق يعيدك

ما ضاگت حلاه بالوكت بسمار ‏
واصيح بطيفها يا طيف بس مر
تره البسمار ابد ما چان بسمار
سهم چان بصدر حامي الحميه

محال الصار وي فاطم وره الباب
وعجب يا موتها شدافن وره الباب
فاطم هاي گالوله وره الباب
وإن گال وحرگ باب الزچيه

يزهره الما يمر بيك شمر بيه
الجهنم لو يصح بيدي شمر بيه
لهسه ابابكم واگف شمر بيه
يطرد والبقيع امست خليه

 

للشاعر : علاء عبدالحسين الكربلائي