ويلي عالزهره (مكتوبة) - باسم الكربلائي

 

 

ويلي عالزهره المظلومه

آيات الوحي چفّك خَطاها
ويا هامة كُفُر سيفك خِطاها
عايِن فاطمه وانظُر خُطاها
مكسورة گلب واضلوع هيّه

علي من شاف خطوتها رَحَلها ( راح الها )
استريحي فاطمه ويطلُب رَحَلها ( راحه الها )
وصار ايدير بچفوفه رحى الها
يطحَن والعيون اعلى الزچيّه

سؤال ابعينك ايدَوّر لجِل حال ( حَل )
گَلبك منكسر أدري لجِل حال ( حالي )
عُذراً ياعلي بيّه الأجل حال
وصارت راحِتي بسْ بالمنيّه

من عُمري على عمرچ عَسَن دار
ولا أسكن بعد عينچ عَسَن دار
وعلى القبله يسَبْلوني وعسى اندار
ويصير آخر نَفَس بِسم الزچيّه

شفِت نظراتك اتسولِف عَلِي ها
تهمِس ليش ؟ نبراتك عَليها
تعاين سَطرِتِي وتبچي عَليها
اشحالك لو شفِت زينب سبيّه

علي هالشِدّه غيرك مِنْهو إلها
الحَشُر حار ابوَصُفها مِنْ هَوِلها
الأرض خِشعت المحسن مِن هِوَه اْلها
نِزَل ساجد ابدمّه اعلى الوطيّه

السماء السابِعه فاطِم ثَمَنها ( ثامنها )
سِرّ الواحِد الخالِق ثَمَنها ( ثُمّ انها )
كنز الله وعلي يعرِف ثَمنها
دفنها ابگلبه حمّاي الحميّه

للشاعر : ضياء الربيعي