احلا مشي وي الاطفال / يلا مشي (مكتوبة) - خضر عباس

 

 

صبيه كأنهم اجبال .. قدوة لهاي الأجيال
احلا مشي وي الاطفال

يلا مشي
يلا مشي

قد بدت الحكايات .. علت النداءات
للطفولة بالذات .. نرسم احلا خطوات

صار العزاء بمطلع الحكاية
يلا مشي
شفنا طفل يلطم على السباية
يلا مشي
ويمه طفل ثاني بچفوفه راية
يلا مشي

هذا طفل بچه هواي
للي بقوا بلا ماي
يدري خيمكم فياي
يلا مشي
يلا مشي

قربت المواعيد .. بدت الأناشيد
والتسأله شيريد .. مايگلك العيد

فرحة طفلنه بموسم الزياره
يلا مشي
ماشي ل إمامه بكل ثقه وجداره
يلا مشي
ويه الحسين موقع التجاره
يلا مشي

عمره خلص بچي ونوح
شفته لكل عزه يروح
گلبه يحن للجروح
يلا مشي
يلا مشي

صبيه بعدهم ازغار .. وبفعلهم اكبار
ركضوا بحضن حار .. من اجونه زوار

صارلنه مدة انصارع الثواني
يلا مشي
وتسابقوا واحد يگل للثاني
يلا مشي
ضيف استقبله ابمكاني
يلا مشي

يلا تره الخيم هاي
كلها الك يمشاي
هذا شرف تجي وياي
يلا مشي
يلا مشي

شگد حلو من يخدمون .. باليمر من يعزبون
ضيف ابوعلي كون .. تنفرشله العيون

واجبنه نكتب للطفل قصيده
يلا مشي
هذا طفل بي فطرة من حميده
يلا مشي
هذا اليبشر ضيفه باليريده
يلا مشي

سفرته ياهلا تصيح
فزعته تسبق الريح
دمعته عالسبي اتطيح
يلا مشي
يلا مشي

عفيه ي بؤبؤ العين .. فهم الدرس زين
واليريده الحسين .. هنه ذني الاثنين

احفظ دروسك بأول القضيه
يلا مشي
وامشي لعزاء الزهره بالمسيه
يلا مشي
من تنجح تفرح گلب رقيه
يلا مشي

بابا تره العلم زين
لو نجحت تقر عين
هيچي وصية الحسين
يلا مشي
يلا مشي

عدنه درس مهم حيل .. للفدولك الحيل
لا يجرفك السيل .. وتنكر السهر ليل

امك وابوك اخدمهم انت بيدك
يلا مشي
واعطف على اختك واحترم عضيدك
يلا مشي
حتما ابوصالح غدا يريدك
يلا مشي

دعوة لكل صبي هنا
المهدي تفرحه والله
وجندي يحسبك وياه
يلا مشي
يلا مشي

للشاعر : امان شهيد المرشدي