اشتكيلك عالكبر / الليالي الفاطمية (مكتوبة) - حيدر البياتي

 

 

جرحي بكبر هاي السمه
من ايدي راحت فاطمة

جيت اشتكيلك عالگبر
انطيني من صبرك عصبر
يا محمد

الگاع ما كفت دمعتي وإلمن احچي الصار بيه
الخلگ تغفه الليل وآنه حسره حسره يمر عليه
الزهره ما تنطگ ولكن گيدتني بالوصيه
سمعا وطاعه گلتلك راح اكابر عالرزيه

يقره بعيوني الدمع
آه يا كسر الضلع
الهسه بآذني ينسمع كسر الضلوع

ذبلانه روحي من الحزن
مجروح من كلمة وإن

بچفوفي قابض عالجمر
من صبرك انطيني صبر
يا محمد

بروحي دنيه من البواچي الليل شيب من ونيني
مو علي الينداس بيته انداس بيتي اگبال عيني
فاطمه بكسرة ضلعها تصيح فضه ادركيني
راح من عندي جنيني فوگ متنچ سنديني

مو مهم ضلعي يطگ
خلي بابي يحترگ
خاف ابني ينسحگ
من يطبون

طاح ابني وترابه الچفن
وما ينحمل جور الزمن

بضلوعي خله شچم كسر
انطيني من صبرك صبر
يا محمد

يالگلت اجر الرساله بس موده يا موده
هجمو اعله الزهره واحچي بالمصايب وحده وحده
نبت بسمار بصدرها وضوه الكوثر دم تبده
فوگ خدها طبع اصابع والسطرها عدل بعده

عدل ظل وام الحسن
الموت لفاها بچفن
يا محمد والمحن شيبتني

بچفوفي مشدود الحبل
هذا الخبر لا مو سهل
وجه الوديعه ينسطر
من صبرك انطيني صبر
يا محمد

الوادم الشهدت غديرك بيه غدرت يا محمد
ناس قله الناصروني بعض ساكت بعض مرتد
اگبالهم ضربو الزهره والضربها فعله اسود
عاشت وماتت حزينه وللقيامه حزني يمتد

الخله بجروحي ملح
انضربت بچعب الرمح
وانه كلساعه انذبح من عذابي

للبيت ردينه سوه
بالگوه تشتم الهوه

البسمار نابت بالصدر
انطيني من صبرك صبر
يا محمد

راحت اوضلت ولدها كبال عيني ذكره منها
الحسن ما نشفت دمعته ومن ينشف دمع ابنها
حسين خفت يموت يمها لزمت ايده من حضنها
وزينب ازغيره اويتيمه. ياصبرها او ياحزنها

يبجي ويانه العرش
بليل طلعنه النعش
والعمرها ثمنطعش ليش ماتت

دافن فرحتي بمكبره
ضلت عيوني مساهره

مدري اون مدري اعتذر
من صبرك انطيني صبر
يا محمد

جرحي بكبر هاي السمه
الكاع ماكفت دمعتي
بروحي دنيا من البواجي
يالگلت اجر الرساله
الوادم الشهدت غديرك
راحت اوضلت ولدها

 

لشاعر : مصطفى العيساوي