علي وياي / شهادة رسول الله(ص) (مكتوبة) - حيدر البياتي

 

علي وياي حَتى بأخِر انفَاسي اشوفه
علي وياي خَسران البَعد مَوتي يِعوفَه 

اكتِب بالدَمع هَايَ وِصيتي
الأمُه تِنقلب سَاعة مِنيتي
            عَلي وِياي

كَبل مَوتي أوصيكُم وِصية الأخِيرة بحيَاتي
كِتاب الله وأهل بَيتي قَضية أذَا حَانّ ممَاتي

الى العَالم نِداء مِن المَدينَه 
أخير حجَايه يحجِيها نَبينا 
ترَى الدِنيا بحَر لا مو  أمينه
وكِتاب الله وأهل بَيتي السَفينة.

وِصيتين أوصيكُم قَبل مَوتي عَليها
وَصيتين تِشوفون النجَـاة والصِدق بيهَا 

خِايف تِنسي بَعدي قَضيتي
الأمُه تِنقلب سَاعة مِنيتي 
           عَلي وِياي

كَبل كِلشي حَجي عِندي أمانه وبَـأمانه أكوله
عَلي الاوَل عَلي الافَضل مكَانه بخلافَة رَسوله

اعظَم كِلمـه مِن ضِمنَ الوصايه
البَاري اختَاره مِن بَعدي بعنايه 
دَرب الحَق عَلي ودَرب الهِدايه
السِراط المُستَقيم بهَـل الوِلايه

يَـهل النَاس إحَفظَوا كِلمتي عدكم أمانه 
يَـهل النَاس دِين بَلا عَلي مَابي أمانه

دِنيا وأخَره هَاذِي هَويتي 
الأمُه تِنقلب سَاعة مِنيتي
         عَلي وِياي

الرُسل كِلها مِنو تأذه بأذيتي جَبيره الأذيه
جِنت ادري رَبع عِندي بمنيتي تِعوف الوَصيه

تِغمَض عَيني ويحركَون بَابي
وضِلع الجَنه ينصَاب بغيَابي
مُصيبه فِاطِمة اول مُصابي
وتِبدَي مِن الضَلع قُصّه عذَابي

دَفع بَاب تِبدي قُصّه احزَاني بدَفِعته
دَفع بَاب هذَا اول جَرح بَعدي عِرفتَه

مِنهاا وتبدي بالعِترة أذيتي  
الأمُه تِنقلب سَاعة مِنيتي
           عَلي وِياي

بَعد مَوتي عَلي لـِوحدَه اعوفه يِعاني بوجوده
وعَلي ثَاني جرح عَايش اشوفه طَبُرته بسجَوده

سِيف الحِقد مِن يصيب هامَه
يصيح المَوت ويلي إعله الامَامه 
تَرى القُرأن ما تمم صيامَه
وكَبل الدَم عَلي ينزف يتَامة

اذا رَااح طَير البَـسما يبجي لـمُصابه 
اذا رَااح تتحنى الشَمس مِن دَم خِضابه

وتبقَى بلا عَلي باجر رَعيتي
الأمُه تِنقلب سَاعة مِنيتي
          عَلي وِياي

اشَوف السَم مِشى بجسَمي وناظُر وردد سؤالي
الحَسن يَمي بجَه الهَمي واكابر واكِله يـَغالي

كِلتله يَالحَسن يَا رِوحي اسمَع 
بَاجر مِثلي بالسَم اتلوَع 
ترَى جَبدك مِثل جَبدي يتكَطع
وفَكدك خَله عَين حَسين تِدمَع 

يَمسموم انتَ وجدَك بنفس المُصيبه
يَمسموم عَجيبه قُصِتك والله عَجيبه

اهل الارَض ما تحمل رَزيتي
الأمُه تِنقلب سَاعة مِنيتي
           عَلي وِياي

كِلت مني و انا مِنه حُسيناه اليضدَه يضَدني
سِكن كَلبي واخذ كَلبي الف اه اليحبه يحَبني

يَناس حسين اسمه بكَلبي جَمره 
باجر فَـوكه تِسحك خَيل عَشرَه 
باجر شِمر يكعَد فَوك صَدره
باجر اُمتي يكَطعون نَحره

بلا راس جِسمه بكربلا يُبقى بلا راس 
بلا راس وزينب تِصرخ مرَوتك يَـعباس 

مِن طَـاح الكُمر انتِ نسبيتي
الأمُه تِنقلب سَاعة مِنيتي
           عَلي وِياي

 

للشَاعِر : مُصطفَى العِيساوي