زيارة مذبوح/ قصائد المشاية حبيبي مذبوح واجيت ارد ازوره (مكتوبة) - حيدر البياتي

 

الرادود حيدر البياتي

 

 

حبيبي مذبوح واجيت أرد أزوره 

حسين حبيبي

و بيوم الاربعين
يرجع ضعن الحسين

أجيت امشيلك وكلبي 
شايل طفكم وضيمه 
بدربي اهواي اشوف خيام
بس إنتم بلا خيمه
اخجل اگعد ابموكب
وزينب تگعد ابهيمه

اشلون ..
أگعد واستراح ابموكب اشلون ..
وابقى امشي اعله طولي وطاحت ام عون
وجهها من الشمس ماضال بي لون

عيشني ابحال مثل حال بناتك
وإشعل جمرتي

وابچي واعميلي عين 
يرجع ضعن الحسين

علي إوياكم يبيت احسين
للطف صعبة رجعتكم
انه عدكم عبد يم عون
مشي طالع اساعدكم
وانه ادري من اوزع ماي
چني جاي اشربكم

تهون.. 
يزينب لاتونين وعلي إتهون 
شني الهودج نحملچ وسط العيون
اليتيم اليتعب انشيله اعله إلمتون

مشايه اجينه ابرجعوچ نعينچ
متعوبة إنتي

ونضل متنطرين 
يرجع ضعن الحسين

من أطيح من التعب بالگاع
أرجع من جديد أبدي
وأبعد من زحام الناس
واسوي مجلس إلوحدي
واصيح ابيادرب يمشي
ورجله امجرحه المهدي 

ماي… 
رضيع احسين طلعه اوشربه الماي
إمن العاشر يلوع او صارله اهواي 
وانطيه للرباب إترضعة مولاي 

والدة وتشتاگ تنومه ابحضنها 
محروم إبنها

وتشم  خده إللجين
يرجع ضعن الحسين

 

للشاعر : علي عويز الشويلي