موقف الحسن / قصائد المشايه (مكتوبة) - حيدر البياتي

 

 

يَا نَاس يُبقَى لآخر الزَمن
مَوجود بالطَف  مَوقِف الحَسن
رَاسِم للحُسَين   دَرب الارَبعين
                 مهم

عِندَه مَوضوع  صَوته مَسموع
حُب الحَسين  ثَوره ودموع
ثَوره سِكوته   كِلمة اخُوته

سَاكِت وشفتَه مِنتصَر فِعله ثبِت كَلامه
واحَد يكَمل واحَد  وهَيه هَاي الِامامَه

 
اول حُسيني  ثَبتَلي دِيني
يا سَلام الله عالحَسن وكَفته شَكد عَظيمه
من مِضيفَه الحَد كَربلا للخَدم سَوه خيمه

مايحجي سَاكِت  گالت المَله
وهو  بسكُوته  سَوه كَربلا
سَوه بكلمتين  دَرب الاربعين
               مهم

كَال لا يومَ  مِثلَ هاليوُم
يَوم الحَسين  مِثلي مَظلوم
مِن يَومي اعَظم   عاَشر مُحرم 
هَوَ وصّانَه بكَربلا و نِسمع الامره واجِب
مِن يجينه سَابع صُفر بِسمَه ننصُب مَواكب

قَانونه صَادر   اهَلا يزاير
علّم الخادم عالهلا كلمته ما نملها
ياهله بزاير كربله منه جانت اصلها

مَدرستَه عِظمه وخَرّجَت خَدم
عَدها الحَسين من المُهم اهَم
بيه تحجي السنين  درب الاربعين
                مهم

عَلّم النَاس  مَعنَى الاِحساس
والحَسن جَان  روحَه عَباس
فَصلّها بَيده  راية عَضيدَه 
رايته جانت بالزغر  تحله بس بيمينه
ومن ابو فاضل والحسن شلنه راية مشينه

رايه عشيره  مثله جبيره
رايه العباس ونعم والحسن روحه بيها
نصرا من الله وفتح هوه كاتب عليها

المشاي لو يمشي الف شهر
ما يعطش بچفه علم كمر
سر ام البنين  درب الاربعين
              مهم
 
افتهم زين  هالكلمتين
اخسر الناس  وربح حسين

هاي الرساله. اعظم رساله
لاتدك بيبان البشر باب ابو اليمه عندك
ماخذ اطباعه من الحسن من تجي مايردك

اشكر نعمتك  نعمة خدمتك
اخدم او اتعب و الحجو لا تهم بحجيهم
اشتري حسين وخدمته وهمه لا تشتريهم

التنظير ما يخلص مدى الدهر
بحسين چلب وترك البشر
يلم المومنين درب الاربعين
              مهم

الك رايات  بالزيارات
مرقدك ليش  ابلا منارات

نطيت الذبيحك  رايه ذبيحك
ياخو مثلك بالزمن انطه كلشي لخيه
وجهه التاريخ الاجل ثورة الغاضريه

حتى اربعينك  يبقه الحسينك
الماكدر يوصل مرقدك يوصل الطف يزورك
بالمخيم وعله النهر. بالحرم يلكه نورك

عدنه امنيه ياسيد الكرم
مجلسه هذا يصير بالحرم
يمك معتنين  درب الاربعين
             مهم

للشَاعِر: مُصطَفى العيساوي