جماهير الحسين / محرم الحرام (مكتوبة) - حيدر البياتي

 

 

جماهير الحسين
ثقافة وعي ودين
مواقف للتضحيه
مناهج للتربيه
مجالس للتوعيه
ثقافه

رواة ثقاة حچت حديث متفق عنه
محمدٌ بكى على سيدِ الجنه
اذاً وجب عله البشر تفهم المعنه
البچي لبو علي صبح منهج وسنه
الدمعه تمتد من محمد
شريعه شرّعها نبي وسواها
بس الاوادم تفتهم معناها
اصل دمعة العين
أئمه ونبيين
النبوه وكرسي العرش
وايمتنه اربعطعِش
بچو للماله نعِش
ثقافه

الرضا نُصب عزه وحضر شاعر العتره
وقره شطر عله الوجه لطمت الزهره
الرضه سكت بچه ومدح دعبل وشعره
اللطم نهج لِـ فاطمه بالك تنكره
هالقضيه للزچيه
من لطمت الزهره اعله كسر اعظامه
تأسست للطف دولة اللطامه
اللطم ثورة الله
وفاءه لحسيناه
زمان الطف ما مضه
اللطم للنُصره قضه
بنظر مولانه الرضه
ثقافه

زيارةِ الـ حُسين نهج شَرّعه الباقر
روايته بفعل أمُر ( زُرْهُ يا جابر )
دِعت اله الملائكه لليجي زاير
مشي مشي لبو علي بماضي وبحاضر
تحرم النار عله الزوار
زوار الحْسين الحُسين اوياهم
آخره ودنيه هُوّ يتلگاهم
المشي بالزيارات
اوامر سماوات
مسيرة هالقافله
مدارس متكامله
اختصاراً كل كربله
ثقافه

تجارةٌ عظيمةٌ اسمع المصدر
الدفع الف يرد ضعف قالها جعفر
مواكب الخدم تظل ما تقل تكثر
هو الحسين ابن علي من الزمن اكبر
تفنه السنين ويبقه الحسين
هاي التجاره ربح فوق العاده
الدينار يرجعلك بالف وزياده
يناس اليصرفون
غداً ما يندمون
الى كلمن انتقد
مواكبنه معتقد
الصرف مو تبذير ابد
ثقافه

محاضره ودرس فقه هذا منبرنه
القره وتعب واجه كتب هذا شاعرنه
الحناجر البلا وعي مو حناجرنه
بچي ولطم مشي وحزن كل شعائرنه
هالشعارات مو خرافات
واللهِ ان قطعتموا انفاسنه
منخلي غير حسين تاج براسنه
الخدم هيبة الناس
ولزم چفها عباس
وحگ شيال العلم
يظل الحسين أهم
مبادئ هاي الخدم
ثقافه

 

للشاعر : كرار حسين الكربلائي