قابل خدمتي ؟ / محرم 1446هـ (مكتوبة) - قحطان البديري

 

 

تـسـمـع  كـلامـي .. و اتـرد  سـلامـي
وعـنـدي يقين بحضرتك تنظر مقامي
من فضلك اخجل .. من فضلك اسأل
هل انت قابل خدمتي ودمعة غرامي

استفهامات ابوجداني و حـايـر يالغالي
يامن تعرف صدق النيه و تشهد اعمالي
اتمنه اجوابك يسعفني و متخيب آمالي
خذاني الهم ..

كل عام احرگ روحي الأجلك و الأجل اخيامك
كل عام اركض مثل اطـفـالـك و اخدم خدامك
حاسبني درع صـد سهامك حاسبني اسهامك؟
اريد افهم ..

بـالـخـدمـه لـمـع نجمي
او ماادري تعرف اسمي

تـرجـف چـفـوفـي .. مـالـكنـي خـوفـي
تعرفني لو عظم الذنب شاطب حروفي
غـرگـنـي خـيـرك .. و مـاعـنـدي غـيـرك
واجب على المثلي اذن بالخدمه يوفي

هل مولاي اتشوف بعينك دمعاتي الطاحت
چانت من جـمـرة وجـداني لو مظهر چانت
بلسم صارت فوگ اجروحك لوحافر صارت
صدگ خايف ..

شايل نار ابصدري او اسأل و اتمنه اجوابك
حسيت بأهاتي ونوحي الجرحك و امصابك
لو ماشايف بيهن حـرگـه و هيجت اصوابك
شنو شايف ..

خادم مـذنـب ايسألك
خايف نيته مو لأجلك

اغـسـل ضنوني .. بدمعة شجوني
مارايد الغيرك ابـد تـجـري عيوني
مـنـك مـرادي .. اتـطـمـن فـؤداي
ولمن تحسبون الخدم ماتعبروني

يخلص عاشور او انه اركض مابين احزانك
خـايـف هاي الركضه بعينك ركضه عدوانك
وماافزعلك ماي افزعلك جـمـره ابصيوانك
و اهد حيلك ..

حـب الـذات ايغير ابـن آدم و خايف تاليها
انه المحسوب اعله خيامك نار اشعل بيها
نيتي المخبوطه بـهالدنيه امروتك صفيها
انه ادخيلك ..

خـايـف  الـچـم  ابـروحك
وملح اوگع على اجروحك

گـلـبـي  تـوضـه .. و الـخـدمـه فـرضـه 
و لو مايدگ بأسمك ابـد مـاريـده نبضه
خــايــف غــروري .. يـسـلـب شـعـوري
صدگني مو همي الإسم كل همي ترضه

سلمت امري ابايدك وانته الأعلم بحساسي
و اتمنه ادموعي تطهرني و تذبح وسواسي
اصبغ نيتي ابنية عابس من جدمي الراسي
و اخذ لوني ..

اقسم بالزهره المجروحه الذابحها مصابك
ضـايـع بالدنيه او مـاانـدل بس عتبة بابك
خليني مـروتـك خليني اتراب اعله عتابك
يسحگوني ..

هسه اگطع هوه الريه
لـو مـا  تـقـبـل  اعليه

خليني يـمـك  .. من فـدوه لأسمك
شلي بحياتي سـيـدي لوما اخدمك
اوداعت عـيـونـك .. ضـايع بدونك
يخنگني يحسين الهوه لوما اشمك

اتوسل مولاي بنحرك و بـضـلـع الزهره 
وفقني بكل عام امشيلك زاير للحظره
واخدم زوارك بعيوني وابچيلك واقره
و ادگ صدري ..

و آخـر مـا أرجـو من عندك يـامـهـجـة فاطم
اتـوفـقـنـي اطـلـب ثـارك بـاچـر لـو رد القائم
ساعه اصيرن جندي و ساعه بالمجلس خادم
حلم عمري ..

رايد تـخـلـص اسنيني
كلها ابخدمة احسيني

الـيـتـرك خدمتك .. يـخـسـر نعمتك
يالرحمة الله الواسعة تعني رحمتك
يــا بــو  رقــيــه   ..   الــزم  اديــه
او لأخر نفس خليني انعاك الغربتك

 

للشاعر : ياسر المطوري