عمرك ندم / محرم 1446 هـ (مكتوبة) - قحطان البديري

 

 

ياربي خلي حسين دوم ابروحي موجود

لـو خـلـصـت  عـمـرك نـدم
ماراح تـلـحـگ عـالـعـشـگ
مـابـيـن ذنـبـك والـعـطـف
ارسـم  مـخـيـم مـحـتـرگ
خـل عـيـنـك بـعين الجرح
وسولف عله الميت سحگ

هيم وانطي من روحك للحسين
تـجـاره وبيها ماتلگه الخسارات
عيش وغيره ماعندك جرح حار
ابـديـهـا بدمع و انـهـيـهـا موّات

شوف حب حسين للخالق عجيب
فاض دمه و انكتب عاشگ سليب
بوكت ماصاح العشگ امن يجيب

ويـــاه   ثــبــتــلــك   وتــد
خـيـمـة جــروحـك مـأتـمـه
واخذ العطش بالحب درس
شلون اليحب وكـت الضمه
غـيـرلـه  حـالـك  لـلـصـدگ
يراويك حـسـن الـخـاتـمـه

اتغير صـيـر ناعي الذيچ الارماح
لازم تـنـطـي حگ هاي المواساة
ماتت هيه بس بعديش ام عون
عگب مـاخـلـصـتـهـا بالخرابات

ازرع بگاع الـحـزن حـب الخيام
واحصد دموع الرمح شايل امام
اسمه ذكره وين ماصحلك غرام

سـيّـر خـيـالـك بس اله
اعرف عـلـيـمـن منكسر
لوماتشوف الطف جرح
معناها عـالحب منجبر
فرصة حـيـاتـك كربله
وهالفرصه مره بالعمر

ماضيك و ضـيـاعـك لاتهم بيه
عزائه يمحي لـذنوبك مسافات
هـيـه ايام و تفض هـاي دنياك
اشحلاتك من تخلصها بعزائات

عن جروحه اليا وكت دمعك بعيد
مـدلـه روحـك عـنـده للأرواح ايد
ايسحبك يخليك من ضمن العبيد

ماتگضي لوعة نينوى
وماينتهي ذاك العصر
لـيهسه نـايـم عالرمل
للناس مـتوسـد صدر
واختار انته وموقفك
لو دمعه لو حافر مهر

موكب خلي گلبك بسم الحسين
الحبيب ام عون خليلك علامات
نام وفـوگ خـدك طاري الخيام
و اگعد وانته تـبـچـي للغريبات

مـوشـرط لازم يـشـوفـك عـالـرمح
خل يـشـوفـك وانته بالحب منذبح
كل طريق اليبدي بيه يخلص جرح

 

للشاعر : محمد تقي البهادلي