احسم قرارك / محرم 1446 هـ (مكتوبة) - قحطان البديري

 

 

احسم قرارك و اعلن النيه
لـو نـار لـو جـنـه حسينيه
حُر انـتـه لاتتقيد بسيفك
حدد امر عاقبتك بكيفك

يالمايهز گـلـبـك رعـب و الـخـوف ما يدنالك
من اشوكت ساعة حرب يالحُر تغير احوالك

يالماشغل بالك خصم بـحـسـيـن شاغل بالك
مـو وكـت حـب و عـاطـفـه لاتـهـتـم ابأمالك

گلبي يـخالف سيفي البأيدي
واحد حسيني واحد ايزيدي

قائد و انته اعـرف بتكليفك
حدد امر عـاقـبـتـك بكيفك

يالخزرتك لفحة سقر تموت الزلم من تغضب
شو صرت چن عود الورد كلك ترافه وتنحب

گلبك يحس قرص الشمس من صوب الحسين اقرب
ومابين نيران الـحـشـر نـار الهزيمه اتلاهب

صليت امس فرض الظهر خلفه
و انـدار  گـلـبـك  مـنـك  الچفه

تـفـزع الـه لـو يـاخـذك حيفك
حـدد امـر عـاقـبـتـك بـكيفك

فارس و فرسان العرب بأرض الحرب ماتغدر
بس هاي مو نصرة عدو نصرة ضميرك يالحر

المبدأ الي يـخـلـدك اقـره الـعـواقـب وانظر
مادام ويه ابـن الـنـبـي عوف الظنون واعبر

اتـفـكـر هـواي ونـبـضـك اتـغـيـر
عالأغلب انته اعشگت ابو الأكبر

ومـن ينزل الحب بالگلب ضيفك
حـدد امـر  عـاقـبـتـك بـكـيـفـك

يـالـحُر اخـذ درب الـضوه لاتـبـقـه دربـك اظلم
ولو ردت تشتم الهوه من صوب الحسين اشتم

ضـايـع جبت كل الـعـمـر بـچـف ابو الأكبر الزم
ينطيك دنـيـه و آخـره لـو رخـصّـت لجله الدم

مهيوب و الوگفته المهيوبه
اوگـع و گـلـه طـالـب التوبه

حته يصير ابـإسمه تعريفك
حدد امر عـاقـبـتـك بكيفك

شد مهرك وشد العزم ولم مابقه امن جروحك
و اركع على بـاب الخيم استغفر وقدم روحك

ناجي بـدمـعـتـك سيدك قطعاً رحمته تلوحك
طـمّـن گـلـب ام الخـدر خليها تـسـمـع نوحك

من اوگفت هاليوم يـم عابس
اهنا صرت فارس بألف فارس

وبـخـدمـتـه لو ردت تصنيفك
حـدد امـر  عـاقـبـتـك بكيفك

 

للشاعر : حسنين علي الكعبي