الأم تموت / محرم 1446 هـ (مكتوبة) - قحطان البديري

 

 

الأم اتموت لـو شـالـو ولدها
واعله الراح ياعين التسدها
چلمة آخ ماتلگه اعله گدها

تضيع ام الولد وي سـدت اعيونه
وسكته اتموت لو ربعه اليجيبونه
تـسـمع مات و تـگـلـلـهـم اشلونه

تـدور بيـه نـفـس بالمات ماتقنع
او ويه الآه منها اشيشلع ويطلع
تدمع روح بس ادمـوع ماتدمع

و اصعب حـال لوچانت حنينه
وتنظر لـيـه مـتـسـبـلات ادينه
اگبال الـعـيـن تسأل عنه وينه

التحضر عرس ابنها ويرجع اجنازه
تـمـوت وبـيها تبقه احـرورة العازه
يتوچه بـكـسـرتـه الفـاگـد اعـزازه

تـعـيـش بعين حسره تعاين الربعه
بصينية عـرسـهـم تشـتـعـل شمعه
ويفض عمر الشمع كلما يهل دمعه

بــالــعـرســان  تــتــفـگـد  ابـنـهـا
چلمة مات مـاسـمـعـتـهـا چـنـهـا
تبچي عيون چي فارغ حضنـهـا

تـضـم الأم ابـنـهـا لـلـگـبـر تـچوه
اويـعـيـن الفاگده الجابتها بالگوه
التنطره يطول ويموت الگبر توه

الحله بعين امه وتراب اللحد ضمه
تـظـل انـفـاس امـه ابـآخ يايمه
تطلّع ياعطر من ثـوبـه واتشمه

الـتـفـگـد شاب يـالـيـل التنامه
دمـعـه يصير وتـمـوت بختامه
ابيش اتعيش لمضيعه السلامه

تـظـل ايـام  زغـره  ابـالـهـا اتـسـيّر
ازغيّر چـان بـس هـم فگدته ازغيّر
يـنـاس ام الـولـد مـن تحزن اتحيّر

تـعـيـش بـذكـريـاتـه و مات ماچنه
اعله كلمة بلكي يرجع تعجن الحنه
و تدور بـالـبـنـات الـعـايـشـه بسنه

الـگـبـره اتـروح چـن عايش تزوره
تـشـعـل روح  مـاتـشـعـل بـخـوره
الـعـرسك گوم خل اوفي النذوره

الله يعين رمـلـه الضيعت جاسم
مـيـت تـدري وتگول الـولـد نايم
خـاطـر لايـفـز اتـسـكـت الـوادم

حـنـة عرسه دمـه وتنتظر عرسه
تگل الزينب ابني يرد عدل هسه
غـفـه تـعـبـان لاما منگطع نفسه

هاي اجـروح ميموت ابني بيهن
و الـنـسـوان خـيـ بـطلن بچيهن
ابـ جاسم مـات لايطلع حچيهن

 

للشاعر : ذوالفقار الزيدي