من المخيم للنهر / ليلة السابع من محرم (ليلة العباس) 1446 هـ (مكتوبة) - قحطان البديري

 

 

من الـمـخـيـم للنهر
جدمي چم مره عثر
ماسمعت اسـم الـلـه وادم كلها شمات
ودعت كل حيلي من راعي العلم مات
جدمي چم مره عثر ..

مـن المخيم للشريعه ..
الـف مره اعثرت يلا اوصلت عباس

حاط ايدي فوگ ظهري ..
كسرة افراگ ابوفاضل كسره ياناس

مـن وصلته ماعرفني ..
الشيب بين بيه مـن اجدامي للراس

بـدنيته الماله اخـو
يشمت بحاله العدو

الفاگد الـعـبـاس يشـبـع كون طيحات
ودعت كل حيلي من راعي العلم مات
جدمي چم مره عثر ..

آيــ دنـيـه ومن رحتله ..
بـالـدرب  لاگـنـي  چـفـيـن  و شلتهن

مـن شـفـتـهـن قبلتهن ..
وطحت فوگاهن وبدموعي اغسلتهن

صحت وينك يابو فاضل ..
هـا يـخـويـه اخيامنه الـمـن عفتهن

اسمع اتصيح الخيم
ويـن  شـيّـال  العلم

بطيحتك يـعـنـي بعد ماعندي خيمات
ودعت كل حيلي من راعي العلم مات
جدمي چم مره عثر ..

ابـوفـاضـل ينحنيلي ..
وگبل من اگبل يجي ويبوس اديه

هاي اول مره صارت ..
شافني الـعـبـاس بـس ماگام اليه

واعتذرلي وگال كلمه ..
وداعتك يحسين ماناسي الخويه

اخـو ماعندك بعد
صوبو راسي بعمد

التفت وبـروحـي تـسـهـر ديـرة آهات
ودعت كل حيلي من راعي العلم مات
جدمي چم مره عثر ..

سولفتله عـالـعطاشه ..
گتله سـكـنـه تـنـتـظر جـيـتـك بعدها

خوله گعدت يم رقيه ..
اتگلها عمي جاي والدمعه اعله خدها

ام رضيعي شح لبنها ..
گـاعـده وتـنـاغـي عـبـدالـلـه ولدها

لـو رحت يابالفضل
ينذبح بيدي الطفل

ولا وسـافـه اتـفـيـد  لا چلمة حرامات
ودعت كل حيلي من راعي العلم مات
جدمي چم مره عثر ..

يـخو زينب عفت زينب ..
اشلون اگولن راح اخوي اگبال اختك

و بعد ساعه يذبحوني ..
واسمع اعله التل تناديني اعله بختك

و المصيبه لو سبوها ..
عـالـهزل تـقـرالـي عـالـتـربـان عفتك

صعبه عد هاشم تره
تـنـسـبـي الـهـم مره

عـالـرمـح و انـظر فـواطـمـنـه سبيات
ودعت كل حيلي من راعي العلم مات
جدمي چم مره عثر ..

 

للشاعر : كرار حسين الكربلائي