كلمة و ما ثنيها / محرم الحرام 1446هـ (مكتوبة) - قحطان البديري

 

 

كـلـمـه  وما ثـنيها
كل اولادي انطيها
زينب لاتهتم ..

للطف انطي احچايه
اچفوف وعين ورايه
زينب لاتهتم ..

عباس بيرغ شايل
عباس هوه الكافل

انه المبريه الـنـشـامـه مولبن غيره ارضعتهم
العرب تحچي بشجاعه ولدي شاهد سالفتهم
عيونهم مو شوف بيها عيونهم زينب اختهم

بـعيونهم عـاشـت ضوه
المحملها مايوصل هوه
صـفـيـتـهـم كلهم سوه
خـدم زيـنـب اربعتهم

الـكرار امـربـيهم
والناس اتسميهم
عنوان الغيره ..

ويـلادي و حـيـاهم
بكل موقف تلگاهم
عنوان الغيره ..

تحصيل هذا و حاصل
عـبـاس  هـوه  الكافل
زينب لاتهتم ..

طلع ضـعـن الله و رسـولـه و الـخـدر دور كفيله
وبين العيون ابو فاضل كتب اسم اخته العقيله
اهنا گـعـدت ويا و گتله الـسـالـفـه كلش طويله

العدها اخـو مثلك شهم
يـحـلـم بشوفتها النجم
اختارك علي دون الزلم
هـالـحمل انته التشيله

ابني الأول دومك
وانسولف بعلومك
عباس الأول ..

ها يـا عـم الساده
اسمك بين القاده
عباس الأول ..

والجيش صاحو عاجل
عـبـاس  هـوه  الكافل
زينب لاتهتم ..

يبوفاضل يبعد اهلي اوصيتي بزينب واهلها
ابـنـي فوگ الغيم خيمه حتى محد يوصللها
و بالسمه اكـتـب عباره هاي عـبـاس الكفلها

لا بـالـسمه ولا بـالأرض
حط زينب بگلبك نبض
بـيـك الأمـانـه تـنحفظ
وانته يـاعـبـاس اهلها

دره  و بـيـن  اچفوفك
و عين الزهره اتشوفك
ياعين الزهره ..

بين الوادم ذوله
بس انته يگلوله
ياعين الزهره ..

تاريخ عندك حافل
عباس هوه الكافل
زينب لاتهتم ..

اهناك اكو علگمي گالو يضم عـن حسين مايه
بـداعـتـي عندك اريـدك تـدگ فـوگ النهر ثايه
وگله ضم روحك بحفره جرفك العباس جايه

يـا مـاي مـا عـنـدك عقل
نعطش و تبقه انته عدل
بخـيـامـنـه ضامي طفل
وعمه بين اچفوفه رايه

اعرف اصلك غيمه
ولا تنـدگ بالخيمه
ماتعطش زينب ..

اوصـل غصباً عنك
حط ترچيه ابأذنك
ماتعطش زينب ..

لـلـمـوت مامتنازل
عباس هوه الكافل
زينب لاتهتم ..

روح يـبني امـودع الله وهاي الحچايه الأخيره
و العشيره البيها مثلك  يـنـحـلـف بيها العشيره
چفوفك امن اطيح يبني حسين ينلم بالحصيره

ولو طاح مـنـك هالعلم
زيـنـب تـظل ابـلا خيم
عباس واصعب كل الم
لو مشت اختك اسيره

عـالـهزل يسبوها
بسياط يضربوها
ماتنذل زينب ..

من تدخل مچتوفه
للـشـام  و  للـكوفه
ماتنذل زينب ..

ويصيح دمعي الهامل
عـبـاس  هـوه الكافل
زينب لاتهتم ..

 

للشاعر : مصطفى العيساوي