الله يريدك / محرم الحرام 1446 هـ (مكتوبة) - قحطان البديري

 

 

ماابچي وماعطل ضعنك والزم ايدك
اتـوكـل يـاروح ابـنـيـتـك الله يريدك
تظل عالي ـ و لأن غالي ـ الله يريدك

ذني المسبحه وامصله
امـتـاعـك يـمهاجر لله
نيتك بيضه ويا الخالق
تـشـبـه وجـنـة عبدالله

شم الـيـعـذيـبي بريحك
غـيّـر كلـشـي بتجريحك
بـويـه و من كل الـعـالـم
بس انته الباري يصيحك

طالع بضعن الحقيقه امن العدم
و طـعـم لائـك مصّخ الگالو نعم

موميمون اچفـوف الـقـدره راح اتشيلك
القرآن امچتف وينادي حـسـيـن دخيلك
الخلگ سكته ـ الوحيد انته ـ الله يريدك

مـانـگـعـد لحظه ابـفيهم
نسترجع كـل حـگ منهم
عرش ورسل ايحشمونك
الـنـحـرك صـاحـو حيهم

منـو مثلك بويه الـگـدهـه
دعوة  مـوت  او مـاردهـه
و الـبـيـعـة  بـاطـل  ايـده
يضحي بكلشي او مامدهه

كلشي صحره وباقي بس انته نده
وگلب صفحه الموقف ومـنـك بده

الماي اليشرب منـه الباطل نأبه انشربه
مهر الزهره الگاع و ملكك وهمه الغربه
رضا الخاطر ـ بعد سـافـر ـ الله يريدك

منو مـثـلـك قـدّم ولده
اليرضع مستعد ايفگده
ربـك  محتاجك بـويـه
غـيـرك  وادم  ماعنده

عايلته  ونحـره  انطاها
مـحـد مـثـلـك  سـواهـا
ذره اتراب ابـرجـلـيـنـك
اتشرف الدنيه وتسواها

انته أب ماينكسر ويون گعد
الولد يـنـذبـح ايـچمله ابولد

تستبشر بالفوز ابلحظة گطع اوريدك
حته اتگل للعالم بالطف موتك عيدك
ولا مـهـتـم ـ تبذله الـدم ـ الله يريدك

نافلتي ولـذة شـفـعـي
ابـداً لايقلقك وضـعـي
انه بـأمـرك و سـلاحي
تسبيح الزهره وادعي

مـرض ايـمـوت رجليه
مابـيه الـطـفـكـم جيه
لاراح اعـتـب لاگـولن
ماشي و عايفله بنيه

اهديلي مـن اوجـاعـك او الم النبل
وعمتي خل تنولي يوم اعله الهزل

ماتسمع مـن عندي اليمته مـوعـد جيتك
مـطـمـئـن و يـعـرف تكليفه گلب ابنيتك
حبس دمعي ـ حكم شرعي ـ الله يريدك

لحظات وضـعـنك يرحل
محمل مـسـنـود المحمل
اركب وانه ابوس اجدام
لاتـتـعـبـلـي  و تـتـرجـل

ايـلـوح چـفـي الناحل
يدريك المجدك راحل
عـن فـتـحـك لاتتأخر
مهما گالـولـك حاصل

لو ابأول خطوه من ترحل متت
اسـتـمـر بـالممشه ابـد لاتلتفت

انـتـه آخـر انـفـاسـي الظلت مـن الـزهـره
وكسر الدين ابكسر اضلوعك راح اتجبره
قيم نـاحـت ـ سـور صاحت ـ الله يريدك

للشاعر : علي عويز الشويلي