رسالة للحسين / محرم 1446 هـ (مكتوبة) - قحطان البديري

 

 

كل سنه اكتب رساله للحسين بدمعتي
سيدي مني تقبَّل هـذا تعبي و خدمتي
ادعي يبن البتول .. أرجوا مِنكَ القبول
خدمتي ..
1)
هـالسنه وكل سنه بـدمـعـتـي اكتب رساله الك
ياحسين انته وين وانه وين انه ذره بنص فلك

ادگ بـابـك گبـل دگـة نـبـض گلبي
و اسافرلك غريب و وحدي بدربي
حلاة الشوگ الك ياراحتي وتعبي

انته قصة حب چبيره بكل محرم اشوفك
جملة الـحـب الإلـهـي تنكتب من حروفك
كلمه وحـده اگول .. أرجـوا مِنكَ القبول
خدمتي ..
2)
امـنـيـات بالحياة ما اضيع و ابقه يمك للأبد
انته غير انته خير لله باب انته ماطارد احد

هايه اول رسـالـه تـنـكـتـب سكته
حرف مابيها بس بيها الدمع شفته
ورقـتي الـفـارغـه تقراها بس انته

البيني و البينك تـشـوفـه  حتلو مااكتبه
قررت بس انته احبك غيرك شلون احبه
وانه يبن الأصول .. أرجـوا مِنكَ القبول
خدمتي ..
3)
اعـتـذار بإنكسار و السماح شيمتك يابو علي
اعتنيك وادري بيك مثل ابوي تغفر الزله الي

تغثني الناس بس ماالتفت الهم
المهم مولاي يمك زين مويمهم
خادم فاطمه و ماصير خادمهم

صاحب الصاحب اعرفك صاحبك ماتعوفه
حـتـلـو مـحـد يشوفه انته عـيـنـك تشوفه
ادري حچيي يطول .. أرجـوا مِنكَ القبول
خدمتي ..
4)
بالأخير امن الأخير قصتي كلها بسمك تبتدي
خـدمـتـي و نعمتي اعترف كلها مـنـك سيدي

اظـل ويـاك مـادام الـنفس بيه
واگلك انته عايش نفس بالريه
بمكان الخيمه سوينه حسينيه

يومك العاشر اشـوفـه ملحمه امن المشاعر
انته صوره امن المشاعر ماوصل الها شاعر
مـلـحـمـه للشمول  .. أرجـوا مـنـك القبول
خدمتي ..
للشاعرمصطفى العيساوي