لا تستبدل بي غيري / اصدار محرم الحرام 1446 هـ (مكتوبة) - قحطان البديري

 

بعد بيه عله امصابك دمـع ما شافته عيون
بعد بيه الك فزعـه او سهـر ويه اليخدمون 

لو ما تـقبل حُر ثانـي خادمكم وين ايروح 
لاتستبدل بي غيري أرزقني عليك اجروح 
•
هل تقبل عُذري والندم 
و مارايد حارس الخيم 
اقبلني اخدم الخدم .. و انوح

أرزقـنـي الدمعه  و الأدب 
وسگيني امروه من وهب 
انه اليغنيني مو ذهب .. جروح

اتـغربلني اريدك 
صـفـيـني بأيدك 
سويلي أي چاره 
النـفـسي الأماره .. حبيبي حسين
•
اذا تـطردني من بابـك اصيـر احچايه للناس 
اشيضمها الذله والذله كـجمله ابين الأقواس 

يامسلوب او بثيابك المتستره ايظل مفضوح
لا تـستبـدل بي غيري أرزقني اعليك اجروح
•
خـليـنـي ابحبـك احـتـرگ
إبلا حرگه اشينفع العشگ
الما يبچي ما يحب صدگ .. سراب 

يالـعايـش بالـدهـر جرح 
عـيشـنـي لـوعـة الـذبـح 
وحط گلبي البارد برمح .. عذاب 

حسسني جروحك 
وبـشـوغـة روحك
مـن ظـهـر العاشر 
رايـد لـو حـافـر .. حبيبي حسين
•
المايبچي الحرگ خيمه اوبنات ايرکضن ابنار
قـلوبٌ كالحجاره أو أشد قـسوه امن الحجار

اجعلني من اليسمع بحروف اسمك وينوح
لاتستبدل بي غيري أرزقني اعليك اجروح

 

لشاعر: ياسر المطوري