إعلن نصرك / اصدار محرم الحرام 1446 هـ - فيديو (مكتوبة) - قحطان البديري

 

 

غـداً نـشـرح
الـك صـدرك
نـشـد ظهرك
وحگ نحرك
اهل غيره ..

لمن  هجمو
غضب نزلو
ارض هـزّو
الك ثبـتـو
اهل غيره ..
•
گاع و خيل شالوها
بـيـد حسين خلوها
دنيه ابرايه مشوها
اهل غيره ..
•
زلـم تـسوه ـ وأهل خـوه ـ المجد هوه ـ إلتنعاهم
لـمـن هـدّت ـ حـزم شـدت ـ فـلا ردت ـ سراياهم
خصم يعلم ـ شرد يسلم ـ يظل يعدم ـ تحاشاهم
و التماده ـ من الـقـاده ـ صفه اگلاده ـ برواياهم
•
ماغمضو طول الليل
باتو  بـظهور  الخيل 
أدولك فرض الصحبه .. وحول اخيامك طافو

فـزعـو للحگ حـفـاي
واحدهم چان اهواي
هنيالك بيهم زينب .. صاحت لمن غارو
•
اجه الواهم
تـــلــگـاهـم
يــحـيـاهـم
علي وياهم
اهل غيره ..

ونـعـم  منهم
شجاعة إلهم
عشگ عدهم
مـنـو يردهم
اهل غيره ..
•
زلـزل مـوت  زلـزاله 
طفك واخرج اثقاله
الـسـبـعـيـن  خـياله
اهل غيره ..
•
حمم ثارت ـ رگب طارت ـ رحه ودارت ـ صوارمهم
شهب ثاقب ـ رمح ضارب ـ لوو شارب ـ عساكرهم
لمن تثگل ـ شني اليحصل ـ حبيب يظل ـ يراقبهم
يـبن حـيـدر ـ گضه العسكر ـ نريد اكثر ـ نحاربهم
•
على كبره الطف سرجوه
و اصـبـح مـهـر و ركبوه
وعلوها ابزود الرايه .. وصاحو يحسين أمرك

عـسـكـرهـم  سـويـناه
بساط وتسحگ فوگاه
على تل إدروع العالو .. اصعد واعلن نصرك
•
رجـز عاصف
نـزل خاسف
أجل خاطف
عـبـر آصـف
اهل غيره .. 

إشربو نبعك
جـنـو نفعك
خذو طبعك
صدگ ربعك
اهل غيره .. 
•
الحومه ابغيض جروهـا
فــوگ  الـغـيـم  ودوهـا
ومـن  اهـنـاك  هـدوهـا
اهل غيره ..
•
مـواقـفـهـم ـ رسـايـلـهـم ـ لليحبهم ـ تـصل رادو
اليدرسونه ـ و يفهمونه ـ و يتبعونه ـ غـداً فـازو
اليجاهد ـ رقـم واحـد ـ يظل مـاجـد ـ اله شگالو
دمه المنحر ـ عقيق أحمر ـ ثبات أزهر ـ لمن والو
•
قسماً بالطف والثار
انعاهدكم  يا انصار
لو راح الحگ انجيبه .. وبيرقنه ايضل عالي

مايخمد بينه الصوت
مـن   المولد   للموت
تظل عدنا الدنيه رخيصه .. وبس حسين الغالي

 

للشاعر : علي عويز الشويلي