ابمجالس فاطمة (مكتوبة) - باسم الكربلائي

 

 

بمجالس فاطمه الزهره
تربّينــه وتعلّمنـه
ابونه المرتضى الكرار
ونفخر فاطمه امنه

ربينه ابمنهج اهل البيت
منهج فاطمه وحيدر
خــدام الهم وعشـاگ
مثل فضه ومثل قنبر
ما نترك علي للموت
ولا عـن فاطمـه ننجـر
حبهم حب رسول الله
الخالق بيهم تجلّه
عليهم سلّم وصلّه
فرَض طاعتهم علينه
بفضلهم الله يرحمنه

اذا جبـريـل يتشرّف
يخدم فاطمه الزهره
شرف كل الشرف النه
نخدم فاطمه ونقره
اليخدمها بشرف واخلاص
يعله ويرتفع قدره
هاي الباري كرّمها
جبرائيل خادمها
يهنياله اليلازمها
شيعتــــها ومُحبّيـــها
منّ النار تعصمنه

دوّت صرخة الخدام
خل يسمعها كل ظالم
تنقلها الفضـائيـــات
خلها وتسمع الوادم
نبقى لفاطمه خـــدام
حدما يظهر القائم
من يظهر يصفّيـــها
والظـلّام يفنيــــــها
وامّه الزهره يرضيها
كل الكرة الأرضيّة
بحكمه المهدي يحكمنه

احنا بلا هوى الزهراء
لاشك مانعيش انموت
راحتنه ابمجالســنه
وصارت لليحبها ابيوت
يهنياله الرضت عنه
هذا امن الخَدَم مبخوت
فضل من عدها تسمعنه
تحت خيمتها تجمعنه
حبها بكلشي ينفعنه
بمدار الوقت والساعات
لخدمتها تحزّمنه

نحب امّ الحسن ياناس
ونعادي اللّي يعاديها
آية ومـن آلـه الكـون
صعب نفهم معانيها
گبل لا يرتحل ويموت
شكثر وصّه النبي بيها
عجيبه أصحابه ظلموها
حقد بالباب عصروها
ضرب ياناس ضربوها
الف لعنه عله قاتلها
بكسر الضلع ألّمنه

نظل طول الزمن نخدم
خــدام ابمآتمها
الليالي الفاطميّة شهود
ليل نهار نخدمها
نلعن كلمن السبّب
ظلمها وراد يظلمها
ما گطعت بواچيها
وكسر الضلع ماذيها
خيّعونه اليواسيها
بذكر ام الحسن وحسين
يغله ويحله مأتمنه

 

للشاعر: سيد زيد الفحام