سمعي يمي فاطمة - فيديو (مكتوبة) - أحمد الباوي

سمعي يمي فاطمة(مكتوبة)

الرادود:أحمد الباوي

 

سمعي يمة فاطمة.. سمعي يا مظلومة 
سمعي يمة فاطمة.. سمعي يا مظلومة
أرد أسولف قصتي.. قسمتي المرسومة
أرد أسولف قصتي.. قسمتي المرسومة

آنه عيني بالطفوف.. وقلبي ايشوف
آنه عيني بالطفوف.. وقلبي ايشوف

خل أسولفلج يمة شلون جانت جيتي
حيود بكثار المخيم بيها رسمت قصتي
يوم دك إلها الوتد.. علك إلها الراية
ركع للخيمة وسجد.. عوّذها بآية
هذا أبو فاضل عضيدي وزوده موصوف
هذا أبو فاضل عضيدي وزوده موصوف

من صبح عاشر محرم ريت صبحه لا طلع
بيه ظل وحيد أخوية وستر صيواني انكشع
ناخت على ابنك كتايب لان ما طخ وخضع
شفت حماي الضعينة شهر بتاره وفزع
هذا ابن عقد الولى علي راعي المرجلة
هذا ابن عقد الولى علي راعي المرجلة
هذا عباس الأبي بالزود موصوف

دخنت نيران سيفه مدخنة وتعمه عمي
لبس دلال إعلة درعه عفية خوية الهاشمي
ناخت أرباب الخديعة ووسع ميدان الرمي
وأنه أحس كلبي تقطع طاح يم العلقمي
وطاح مرمي إعلة النهر والعمود براسه
حسين رد محني الظهر من فقد عباسه
رايته والجربة طاحت يم الجفوف
طب للخيمة عضيدة وشال من عدها العمد
يعني زينب راح أخيج واختفى بدر السعد
لمي أطفالي ياخوية حان لوداع الوعد
وأنه حسيت بوداعه بعد ما يرجع بعد

أدري أظل أمحيرة بأطفال اخلافه
مرة أقبل منحره.. مرة أشم اشفافه
عانكيت وشابكيته بدمع مذروف

طب للخيمة عضيدة وشال من عدها العمد
يعني زينب راح أخيج واختفى بدر السعد
لمي أطفالي ياخوية حان لوداع الوعد
وأنه حسيت بوداعه بعد ما يرجع بعد
أدري أظل أمحيرة بأطفال اخلافه
مرة أقبل منحره.. مرة أشم اشفافه
راح وحده ابن الزكية راح قابلهم وحيد
صاحت أهل الكفر كلها يا لثارات الوليد
يمة شفت الأرض ترجف والسماء كامت تميد
مدري راس حسين هذا مدري قرآن المجيد
نزلت احشود الملة.. اتوضت من ادمومه
وقف دوران الفلك.. شبعته المعلومة
يمة من شفت الشمر جالس على صدر الحسين
تربع إعلة الصدر بيده يريد حز الودجين
يمة راموه بحجارة وصابته بوسط الجبين
بموضع السجدة مثل طبرة أمير المؤمنين
دمه خضب شيبته.. سلبوا لعمامة
شفت لمعة بركبته.. نجمة تضوي الهامة
آه من نار الغدت بين الخيم تلهب لهب
نار باب المصطفى بهذا الحطب كامت تشب
وين أدور الوجوه مدري وأخوتي فوك الترب
وآنه أحشمهم شفتهم جثث ظلت تتضرب
وسمعت كسر الضلع.. مثل ضلعج يا بتول
ونظر كص الصبع.. صبع مختار الرسول
هون بدمعة رقية.. حال الرقية
أسمع طاحت الراية وطاح الكمر وياها