مبعث النبوي الشريف (مكتوبة) - باسم الكربلائي

 

 

نَبِيُ اللهِ .. عَظِيمُ الجَاهِ
وَ مَجدٌ زَاهِي .. لَهُ أشْعَارِي
يَا مُحَمَدْ يَا مُحَمَدْ

دليلي من فتح عالفرحه شباكه
عله أمواج الأثير اتصلت أسلاكه
شفت سابع سماء و بهجت أفلاكه
شفت صوب الرسول اتأشر أملاكه
اتأشر عالنبي ذاك النبي ذاكه
ابو احواجب اهلال اعيونه فتاكه
مَلاكٌ سَارِي .. عَلَى الأقْمَارِ
و بِإسْتِبْشِارِِ .. لَهُ أشْعَارِي

بزغ واحتارت الألباب بأوصافه
تهاده و الملك تتهاده بطرافه
نبينه وصوره بارينه بألطافه
يسحر يندهل ينجذب من شافه
علامات النبوه ابضحكة اشفافه
ابنشيان الشرف متوسمه أجتافه
وِسَامُ الغَارِ .. بَلْ الأنْوَارِ
وَ لِلمُختَارِ .. لَهُ أشْعَارِي

السمه متنوره الليله ابوجه طه
يمحله هيبة الهادي يمحلاها
مسروره الرسل خل نفرح اوياها
و من حقنه على كل أمه نتباها
ألـف ليلة قدر هالليله معناها
على جمر الصبر كل لحظه نتباها
بِشَوقِ النَارِ .. كَمَّا الأقْفَارِ 
إلِى الأمْطَارِ .. لَهُ أشْعَارِي

نزل طير السمه ايخبرنه بأفراحه
على بيت النبوه اتهاده بجناحه
ربيع الدنيه شع هادينه مصباحه
نثر روض السعاده اعلينه قداحه
نسايم وجنته عالأمه فواحه
نهر حبه جذبنه و إحنه سباحه
شَذَى الأزْهَارِ .. وَ نَهْرٌ جَارِي
وَ بِالإكْبَارِ .. لَهُ أشْعَارِي

ربيع الفرحه و اتلالت فوانسيه
على كل معبد اتصدح نواقسيه
محمد معجزه ابيا مرسل انقيسه
إذا فارض علينه الباري تقديسه
إذا ينطق لسانه بالمهد عيسه
نبينه علت الكون و نواميسه
فَفِي الأسَرَارِ .. وَ بِالأفْكَارِ 
ضِيه الجَّبَارِ .. لَهُ أشْعَارِي

محمد معجزه و المصحف إلسانه 
و البر و الكرم من موجت إحسانه
فـارس و العزم و الهمه فرسانه
سبحانه العليم الصاغه سبحانه
شفيع و بالحشر حاشاه ينسانه
على ساحل نجاته صبح مرسانه
فَفِي الأخْطَارِ .. وَفِي الإعْسَارِ
بِهِ أَذْكَارِ .. لَهُ أشْعَارِي

للشاعر : هيثم سعودي الكربلائي