يا گلب طوف (مولد عيد الغدير) (مكتوبة) - عمار الكناني

 

 

ياگلب طوف طوف على الحضره الـ ولا مره اشبعت منها

يا نظر شوف شوف شوف ضوه الگبة شمس گربه عدم چنها

ياعمر عوف عوف عوف هوى غيره وقصص خيره اخذ عنها

 

ياگلب طبعا تحير
وصل يوم الغدير
طوافك بالامير ..طواف الطاعة

يم علي تدري اليزور
يمر باغرب شعور
مثل طبع الطيور ..تصير اطباعه

دين الله وعنه گال
لمرحلة الكمال
وصل وبإختزال ..رفعها اذراعه

روح : سولف يم علي عن حبك و غرامك
روح : خل تدري النجف باشواگك وهيامك
روح : يوم الي ارتفع ياگلبي جف إمامك ..عند الله عيد

يلوصي وين وين وين مثل عيدك رفعت ايدك ..كمل ديني

أمنيه وكون كون كون فلا اكثر درب قنبر ..
تدليني

ياهوى روح روح روح صحتله شگد هوى المرقد يكفيني

 

فرحة ابناء الحلال
غديرية الجمال
وجوب الاحتفال ..وجوب البسمه

بلا علي لا ماكو دين
ولا من مسلمين
بأمير المؤمنين ..تمام النعمه

ياگلب كل الكلام
قليل اويه الامام
قواميس الغرام ..قليله اويه اسمه

صوت : آية من السمه من العلي تعالى
صوت : يا احمد ابد ما بلغت رساله
صوت : سولف عن علي واليزعل اعله حاله ..يبعد بعيد

يافرح صير صير صير على ابوابه على اعتابه ومناراته
ياعمر صيح صيح صيح ولا تهتم فخر ميثم موالاته

ياعشگ حير حير حير مثل زاير دخل حاير ونسى ذاته

كلمة الحب ماتفيد
لحيدرنه نريد
نسولف شي جديد ..ولا مداول

تحاول حروف السنين
تسولف عن حنين
قلوب الزائرين .. وبعدها تحاول

يغازل النور الضريح
ولاشعبي وفصيح
على العّله يطيح ..بعد شنغازل !

شوگ : بس ماينكتب ماتحتويه دفاتر
شوگ : ياخذنه العلي ويفرح النواظر
شوگ : بي لهفة عشگ بي تنجبر خواطر ...ويظل يزيد

ياعلي : صار صار صار على حبك رضا ربك قريب النه
ياعلي : دار دار دار على صحنك واخذ منك ضوه الجنه
ياعلي :لاح لاح لاح بدر شانك شمعدوانك ..حچو عنه

للشاعر : حسين طالب السماوي