غاب العسكري |استشهاد الامام الحسن العسكري عليه السلام - فيديو (مكتوبة) - باسم الكربلائي
غاب العسكري(مكتوبة)
الرادود: باسم الكربلائي
أمسه العالم يعيـش إبظلامه … واتغيّر نظامه
هاللــيـله انفــگد بـدر الإمــــامــــه
غاب العسكري ونور المحاسن غاب … بحجور المصيبه
مثل عمّه الحسن بالسم دليله ذاب … وامسجّر لهيبه
وأمسه العالم يموج ابحزن وامصاب … والحاله رهيبه
ليــلــة فاجــعــه وليلـة نــوایــب … بدر الحسن غايب
ودســتــور الـشـرع فـاجــد وسـامــه
يم دار الإمامه اتجمّعت هالناس … واتصيح ابحزنها
راح الحسن راح اللي رفع نبراس … للأمّه وسننها
سمّه المعتَمد تُرثت بني العبّاس … لا تنشدني عنها
ما تعرف عهد حفظ الأمانه … عاشت بالخيانه
ما تملك ولا ذَرّه كرامه
غدروا بالحسن والعالم ابها اليوم … مذهول وينادي
هاللّيله گضى ابسهم الغدر مسموم … ظنوة علي الهادي
أهل بيت الوحي اتعيش ابكدر وهموم … ومبشّرة الأعادي
غاب العسكري ابكهف المنيه … ومن ثقل الرزيّه
أصبح كل گلب شاجر ظلامه
اجتمعوا كل رجال الشيعه والملّه … من فگدوا أملهم
لن يحضر طفل للمدمع إيهله … وحين اللي وصلهم
صاحوا: منهو هذا اعله النعش صِلّه؟ … لن هاتف گِلهم
هذا المهدي ناموس الشريعه … حاضر بالفجيعه
وهذا المنهج العصمه ختامه
حضر يم گبر أبوه ابدمعته المهدي … صاح: اهضمني فگدك
يبويه وريـت گبلك ينحفر لحدي … ولا ينحفر لحدك
عگبك يا الحسن مَنهو بعد عندي … اشيسوّه العمر بعدك؟
هاللّيله ابجمر حزني وعذابي … راح أعلن غيابي
وأظهر لو بدت آخر علامه
المهدي ابدفن أبوه العسكري شفناه … يرزح بالمصايب
وحين اللي كمل دفن الأبُو ابمثواه … لن المهدي غايب
جمرة غيبته ولوعة هضم فرگاه … راوتنه العجايب
ظلّينه بأمل ساعة ظهوره … ونترقّب حضوره
وأعلينه الصبر شاهر حسامه
طالت غيبته وظلت مهج وگلوب … مهمومه وحزينه
وكل مصباح نندب: يمته يا المحجوب؟ … وتتلطّف علينه
نظل نحمل صبر، يبن الحسن جم ذوب … فاض الصبر بينه
يا ساعة الفرج نترجّى يومك … ونتأمّل قدومك
بينه اتلاهِبت نار الملامه
التعلیقات