اليوم أربعينه - فيديو (مكتوبة) - باسم الكربلائي
اليوم أربعينيه(مكتوبة)
الرادود: باسم الكربلائي
اليوم اربعينه الما عاف اخته
امنيتي اشوفه الطايح عفته
من يوم العاشر ما شايفته
بلكي الله يگعد لو شاف اخته
بالبچي
جتي تمشي گوه تمشي من المحنه
وين ابو فاضل يجينه دونه ظعنه
بالدرب تشكي لعلي السجاد لأهلنه
تگله عمه اجدامي ماتن ما وصلنه
وين الله وعدلين اتلگاهم
لو ساعة وحده احجي وياهم
طگ گلبي يركض يتمناهم
يمته اوصل لا اموت بفرگاهم
بالبچي
بلا حبل رجعت لچن ما جف بجيها
تفرش الراية ووسادة اتخلي اديها
لا اكو خيمة ولا مواكب تعتنيها
تمشي وتحس بالشمس طاحت عليها
تغير شكلها من الحنية
بنيه ابجتفها وبيد ابنيه
ما خلت وحده تحس مسبية
بالليل اتضمد بالمچوية
بالبچي
خطوة خطوة تمشي تحسب لأربعينه
بلكي يگعد لو سمعنه حسين اجينه
بلكي ابو فاضل نشوفه طيبة عينه
كون اديه ترجع تلامس طرف ادينه
بلكي من ابعيد يشوف الراية
يتلاگنه ونشرب من مايه
يختي من عنده احلى حجاية
شمحله الأخو تصير اخته برايه
بالبچي
ياللي ما تقبل تراب يمس عباتي
من التعب گعده اصليها صلاتي
من العطش ماتن بديه امخدراتي
امشي وادفن بالدرب خلصن بناتي
اتمنى تگعد تروي عيوني
بس خاف تموت بشوف امتوني
ما اريد اگلك وين اخذوني
يوم اربعينك ما رحموني
بالبچي
كربله اتگله يعمه مو بعيدة
تگله يتراولي عمك رافع إيده
تگله اشم ريحة عزيز وين اريده
طاحت من الناگه من شافت وريده
تگله انا زينب ما تسمعني
مروتك كافي فراگك غيرني
ذباحك لحظة ما فارگني
تلاگني محمد ما يعرفني
بالبچي
عالگبر گعدت تگله اگعد وصلتك
هي هاي الكسرة من ما تسمع اختك
انا زينب خويه مو حلوة سكتك
اگعد اشرب من عيوني مي جبتلك
يحسين امشي عليك الخوة
ذكرني بذيج الگعده الحلوة
بس شوف افراگك بيه شسوه
من الشام لگبرك جدمي اتچوه
بالبچي
خويه جيتك ما اعاتب جيت اعذرك
ارد اشوفك هو لو مو هو صدرك
شنومك خويه وسهم عابر لظهرك
ارد اشوفه امخلي إيدك جوه نحرك
عفت ضلوعك حافر طشرهن
خويه الدفان شدافن منهن
اسهامك خلاهن لو طلعهن
بس لا وي صدرك هم دافنهن
بالبچي
التعلیقات