جيت لكَبرك اشتكي - فيديو (مكتوبة) - باسم الكربلائي
جيت لكَبرك اشتكي(مكتوبة)
الرادود: باسم الكربلائي
جيت .. لگبرك اشتكي شوف الحبل بدبه
جيت .. اخبرك عالتعب من جتفوا رقية
يحسين و لو ما راسك جان انتهينه
اختكم ردت ومشتاگتلكم
من العاشر لهسه ما شفتكم
الرمل يا خويه شمسوي برگبكم
يمكن لسه يوجعكم ذبحكم
حسبالي من ارد المگبرتكم
بعمايم حضره تتلگوه اختكم
نار .. صعدنه اعله الهزل بس ظل گلبنه يمكم
نار .. طلعنه بالغصب لا ما شبعنه منكم
لو بيدي وداعة نحرك چا ما مشينه
رجعنالك يروح أمنه وأبونه
اگعد خل اگلك من سبونه
سهر ما نمنه من يوم الخذونه
اجينه اننام يم گبرك يخونه
انعم الله اعله الحبل چا طشرونه
يخويه وداعة امك تعبونه
شوف .. خواتك ردن ونفس الحبل بديهن
شوف .. بناتك بالغرب شمروا حجر عليهن
من سحگوا فوگ ضلوعك وليه انولينه
مو مالت لحد گوم ارد اشمك
لو انزل لگبرك وابجي يمك
جروحك لسه خضره منين الزمك
جبت راسك يخويه وخاف ألچمك
يبس فوگ الرمح يحسين دمك
الشمس فوگك وما يرضون اضمك
گوم .. اجتك زينب وتعبانة ياوليها
گوم .. اعرفك ميت وتگدر ترد عليها
شگ ترابك يبن امي وگوم امشي بينه
اريد اهمس بنحرك صوتي مطبوگ
يبسنه بكثر ما شتمتنه الحلوگ
مو بس احنه خفنه ابطبة السوگ
هناك الخوف گام يعثر النوگ
لو ما مالت هزيلة يميلن الفوگ
ظعنه محروگ يتوچه اعله محروگ
موت .. طلعنه منكم بروس وشتم سبايه
موت .. رجعنه ليكم تراب وتعب عباية
گوم اتلگه بنياتك محروگه ادينه
اريد اسكت واسولف من من العيون
دخلنه الشامهم واسمع يگولون
اشو ما هوه ابو فاضل بالظعون
بهالموقف يكون اتشاهد ام عون
جابوا ماي وگبالك يبدون
ميتة ولا تحت راسك يضحكون
ليش .. اخوجن ما يجي الحادي لمن سألنه
ليش .. ركضنه الراسك وجوه الرمح گعدنه
مذبوح وما عفت اختك روحك حنينة
جابونه الخرابة فراشها تراب
لا بيها غطه ونرتاح لا باب
بديه گمت انيم بيهن حساب
اليمنى تلولي واليسرى اعله الحجاب
هنا صاح العليل وزاد المصاب
يعمه اعله الرمح ذبلانه الرگاب
ليل .. اجينه والرمح واصل طرف لهاتك
ليل .. لفينه مروتك لا تحسب ابناتك
يحسين ونصهن ماتن بالدرب علينه
رجعنه نگوم ونطيح بمشينه
هلكنه من الحجي الشمرو اعلينه
مثلك خويه مذبحوين اجينه
انته من النحر واحنه من ادينه
رجعنه وكلها ترجف بالضعينة
گطرة دم بعد ما تلگي بينه
هناك .. بجينه اعليكم ومحد رحم بجينه
هناك .. فگدتك من مشن وتعثرت سكينة
فز رجع علوياتك لأرض المدينة
التعلیقات