يا أبا عبد الله| إصدار محرم 1447 هـ - فيديو (مكتوبة) - حيدر حسين السعد
يا أبا عبد الله
حيدر حسين السعد
حسين حسين يااباعبدالله
**
عظيمه النعمة شرف هالخدمة
حسين واسمه هوية الكل موالي
مشيته بدريه كبرنه بحبه
ابونه وكلبه حنين اعله الغوالي
واحروفه من نكتبهن برقه
يمطر علينه برحمته ورزقه
هذا الحسين العروة الوثقه
سلطان الخدم
يطلع عطر من نلفظ حروفه
الموته تعدل لمن اتطوفه
من الضريح ونشعر چفوفه
توزع بالنعم
**
وغلاة اعيونه نموت ابدونه
نظل انصونه خدم نبقى وعبيده
جذبنه بسحره حبيب الزهره
ملك نعتبره ونسويله اليريده
ملك الملوك المن ذهب تاجه
كعبة عشكنه واحنه حجاجه
مثل الهوه بالدنيا نحتاجه
واغله من الهوه
كل الكرامة ابابه شفناهه
وازيارته الحلوه عشكناهه
اقرايه ومواكب هيچي عشناهه
دنيه من الضوه
**
لطم واقرايه وترف الراية
ونجيه مشاية طريق الله طريقه
نلوذ ابابه وحق اترابه
البشر چذابه وفقط هوه الحقيقه
حسين النفذ حبه بمشاعرنه
ياسين صرناله بمنابرنه
ونقراله يحسين بضمايرنه
مانعشگ سواه
انا عشقنا گلبه وإحساسه
حسين من اجلنه منگطع راسه
حسين اشترانه بنحره وانفاسه
جننه بهواه
**
التعلیقات