عاشگ متعوب (قصيدة ندبة لصاحب الزمان) - فيديو (مكتوبة) - حيدر حسين السعد
عاشگ متعوب (قصيدة ندبة لصاحب الزمان)
حيدر حسين السعد
أنه عاشگ متعوب
وأنحب كل غروب.. وأصرخ وينك
يمته الدنيه إدير
يبو صالح وتصير.. عيني ابعينك
… ،……………
1/
الكل نهر سولفت اشواگ
كل ساعة تلگاني إبراگ.. متوسد إبروجاته
وبهيده اهمس للماي
سلملي عالمهدي هواي.. واسگيني من نظراته
يوميه معطرينه البيت
ومتنطر من عندك جيه..
ومتاني وعيني اعله الباب
هسه ايطب المهدي اعليه…
عجل خشوفك مو گام
يگضي العمر شويه شويه..
يانور ابنص نور
هيل اسمك ويدور….. وي انفاسي
وداعت چف عباس
مالي شغل بالناس…انته ابراسي
………………… .
2/
اتذكرة ابكل اغروب
ءمن الوادم اتسد البوب… افهم مرار إلوحدة
ومن تمطر اشبع شوغات
ابهذا المطر وين يبات.. خافن سگف ماعنده
من نلتم كعدت احباب
نتمنه اتكحل كعدتنه…
من انشوف الشهب بليل
نگول ابو صالح بولايتنه
صبح الجمعة اباب البيت
ننتضرك إمنه امعلمتنه
كلما رفرف طير
نگول المهدي ابخير… فدوه إلرسمة
زغار وقبل النوم
انگله اشصار اليوم… ونغفه اعله اسمة
…………… .
3/
الدنيه منك شتريد
فوگ الألف عام اوحيد… وكتك امجرحك دومه
الله يساعد انسان
لاعنده اهل لاصحبان… ويامن يخلص يومه
ابنادم كل اهله اموتين
شي مسمومه وشي مذبوحه
باب ونحر وضلع وشام
كسرن ضهره اهواي اجروحه
ياهو ايصبره ءمن ينوح
وياهو ايلزمة من يطگ روحه
متحزم بگماط
بي ريحه شعواط…. كل اوقاته
يبچي وحمره العين
شالع گلبه احسين… وبنياته
………………………………
4/
انه الذي بيك ايعيل
ويصيحلك فدوه ادخيل… كل هذا ومصاحبني
امالك ابمثلي اتخيب
احتاج منك تأديب…. ايدك الك حاسبني
شلون ابن ادم كله اخطاء
ومتعود عالغيبة لساني ..
ولابريت ابأمي وأبوي
ولا متراحم ويه اخواني..
واتوسل بالعهد اوياك
اظهر مؤتزرآ اكفاني…
انه حيل مأذيك
اسلوبي مكثر بيك…. شيب إلحيتك
كلهن وانت عطوف
ودوم ابحالي رؤف…من حنيتك
……………… ..
علي عويز الشويلي
التعلیقات