اشراقة قدسية - فيديو (مكتوبة) - باسم الكربلائي
اشراقة قدسية(مکتوبة)
الرادود: باسم الكربلائي
بشفافي كلمات تهزّني مشاعرها
يا من إلك ذاتٍ عجيبةٍ مفاخرها
إشراقةٌ قُدسيةٌ من باب الجنة
هيبةٌ إلهيةٌ بيها أتغنّه
أتضرّع لوجه الله.. بيه أتوسّل
يمنحني بالحب والجاه.. حتى أتأمّل
عشقٍ الـ سحرني بمعناه رايد أتوصّل
جوهر عزّته.. سرّه وهيبته
ربي يمكّنّي… أعرف غايته
أنظر كراماته.. وأعرف معناها
وأصغي لمناجاته.. وأفهم فحواها
شفتك شمس ما تنكسف.. شفتك قمر ما ينخسف
نورك أبد ما ينعطف.. سرّك صعب ما ينكشف
من بحرك شما أرتشف.. إحساسي بيه ما ينوصف
يا اللي حيّرتني بمعناك.. يا أبو الأكبر
شما أرد أوصفك ألقاك.. أكبر وأكبر
يا حسين كل الـ يهواك.. باسمك يتحيّر
تبقى مساءك للعين.. بالفخر تسطع
والـ ما يشوفك يا حسين.. بالجهل يرتع
تلكه بعد مثلك وين.. طاهر المرضع
يا سرّ الفلك.. محراب الملك
يا وتر المجد.. ثاني ما إلك
بساق العرش نورك.. وبِلوح القدرة
وحتى الـ يجي يزورك.. يتشرّف قدره
مو حقها ناس الـ حبتك.. تذوبها شِمّة تربتك
تمشي تحت ظلّ رايتك.. بأخطر ظرف ما عافتك
ترخص مهجها لخدمتك.. من يوصل لحدّ ذروتك
ذوّبت بالحب قلوب.. يا شبل حيدر
يا أغلى وأعظم محبوب.. منهلك كوثر
بالعرش اسمك مكتوب.. وبأنواره يزهر
للثائرين الأحرار.. انت كعبتها
باسمك بكل الأدوار.. تبقى هيبتها
تاج الفخر انت.. وصار إلها رتبتها
صرخة وتستمر.. بكل دور وعصر
يا أعظم منهج.. ويا أطهر فكر
بسوح الشرف انت.. عنوان ومحور
نهج العدل صنّته.. يا الـ ما تتكرر
بيك الأمل والمرتجى.. منقذ مثيلك ما إجه
أفكارك المتوهّجة.. تدحر العقول الساذجة
جدك محمد منهجه.. خطّيته وكشفت الدّجه
بسورة عروس القرآن.. كل من تدبّر
يلقاك انت المرجان.. هيبتك جوهر
شخصك بكل الأزمان.. لا، ما تتكرر
التعلیقات