يهل عالم - فيديو (مكتوبة) - محمد باقر الخاقاني
یهل عالم (مکتوبة)
الرادود: محمد باقر الخاقاني
يهل عالم
انه ابني رميه لگيته
ونينه وصلني واجيته
احظنه واشم هوه ريته
يهل عالم
ربه بحظني .. بضهر عاشر
عرفته حسيني بالگوه
شفت جسمه .. صحت ويلي
نزف دم نحره على الخوه
صحت يبني .. العطش والحر
يوالي بجسمك شسوه
وصلت يمه .. وفركت ايدي
واصيحن هو مو هو
حسين
يهل عالم
انه ابني واخوته ضحايه
كضو عل غبره ضمايه
خواته خذوها سبايه
يهل عالم
انكطع گلبي .. لمن شفته
سليب وحاضن وليده
على وساده .. رمل نايم
حبيبي ومچفي على البيده
اثر حافر .. على ضلوعه
كعدت اشتمه بوريده
جروحه. .. الف وتسعميه
شفت ماكو اصبع بأيده
يهل عالم
انه ابني حياتي حياته
احبه واحب هوه ذاته
واعز من روحي بناته
يهل عالم
چنت بالليل .. الوليله
ويضل يغفه على تنهيدي
حلم يرجع .. واضمنه
واحط كلب ابني على وريدي
اشم نحره .. يشم نحري
وابوس ايده ويبوس ايدي
بعد شترجه .. شتمنه
ذبيح مسلب وليدي
يهل عالم
دمعتي وراها مصيبه
انه اغله بناتي غريبه
وحبيبي ثيابه سليبه
يهل عالم
وگع محد .. عليه سمه
ولا ام صاحت اسمالله
عزيز امه .. جسد عاري
غبار الحومه عليه صلى
لچن والخيل .. اذا غارت
منو اليمنعها توصله
المصيبه وليدي .. مو وحده
وگع وبحظنه عبدالله
يهل عالم
انه ابني غربته چبيره
حبيبي فگدله عشيره
ضحايه واختهم اسيره
يهل عالم
انه وليدي .. وكع ضامي
يصيح ويحلف بجده
الرمل يلهب .. چوه جدامي
وانه ادري وليدي ترف خده
شتفو ببني .. وخذو ثوبه
بقه فوگ الثرى لوحده
بحوافرهم .. يدوسونه
بقه يفك چفه ويسده
حسين
التعلیقات