بني حسين - فيديو (مكتوبة) - محمد باقر الخاقاني
بني حسين(مكتوبة)
الرادود: محمد باقر الخاقاني
اجاك محرم وجيتك__ابني بيت تعزيتك
انه امك وناعيتك__بني حسين
الگلب لهفان .. انه الوالده والگلب لهفان
وين ماچان .. ادور عزه وليدي وين ماچان
المات عطشان .. ويلاه على ابني المات عطشان
جبت لجروحك نعاوي
وياجرح منهن اداوي
صحت للعين
ايها العينان فيضا _ وستهلا لاتغيضا
بني حسين
اجيت بمدمعي الساجم__يامن بالفله نايم
يمن عن العذب صايم__بني حسين
وليدي ارويه .. ام واجيت وليدي ارويه
متوسد ايديه .. لگيت الولد متوسد ايديه
مية جرح بي .. الف وتسعمية جرح بي
الطمت ضلعي بيوم شفته
من العطش مفطوره شفته
هنا يلعيون
فبكيا فالطف ميتا_ترك الصدر رضيضا
بني حسين
اريد انعاك يوليدي__وادگ على الصدر بيدي
والوي عله الهضم جيدي__بني حسين
بفاد الفاد .. سهمك نبت بفاد الفاد
يحصله اضماد ..المنحور مايحصله اضماد
عليك ماهاد .. ماهاد گلبي عليك ماهاد
منته غايب واتنه جيتك
ومو عليل وتشفي علتك
والهضمني
لم امرضهُ فأسلو _لا ولاكان مريضا
بني حسين
المو بحسابي الچمنك_لچن اطلب نشد منك
يمه وين اهل ضعنك __ بني حسين
وين الخواتين .. يوليدي رد وين الخواتين
بيهن مضعنين ..وسفه الغرب بيهن مضعنين
عباس وحسين ..وياهن اخت عباس وحسين
شلون من طوح ضعنها
يا اجساد الودعنها
حايره شلون
زينبُ اذ ودعتهُ _ والردى والبينُ خيضا
ايها العينان فيضا _ واستهلا لا تغيضا
التعلیقات