وهل الدين الا الحب - فيديو (مكتوبة) - محمد باقر الخاقاني

وهل الدين الا الحب(مكتوبة)

الرادود محمد باقر الخاقاني

 

لغيرك دمعتي متصُب .… غيرك گلبي ما يطلُب

حبيتك مروة و دين .… و هل الدينُ إلا الحُب

-----------------

كلشي نوجد من حرفين .… و الدنيا خالقها الرَبْ

بأول حرف من (ح) سين .… و آخر حرف من زين(ب)

فلسفة وجودي من البداية .… من چنت عدم

من اختبرني الله بالولاية .… و جاوبت نعم

و هسة اجيت اكمل الحكاية .… بحرگة الخيم

الناسُ عبيدُ الدُنيا .… و الحُبُ ادعاءٌ بالكلام

فإذا محصوا بالغرام … قلَّ المُحبون .… قلَّ المُحبون

عن ديني لو راح الورع .… شلون اجزع بوكت الجزع

و كل خوفي حزني ينگلب .… من الصدگ للمُصطنع

و شينفع الدمعة التهل .… و زينب خذوها اعله الهزل

لازم اموت من الحزن بس انه لي هسة عدل

هالعشگ سهل لمن اگوله .… و بالفعل صعب

و حُبك برغم هاي السهولة .… يشلع الگلب

و الوصل لك يبين وصوله .… بآخر الدرب

من الدين اللذي يقرب .… يشوفك انتَ لب اللُب

ديني محبتك يحسين .… و هل الدينُ إلا الحُب

--------------

وكت الحچي هواي تشوف … من يتدعون اشياعه

و الحُبه صادق معروف .… وكت الصدگ بالطاعة

لو مرامي مو على مرامه .… عنه مبتعد

يعني ما عشت لذة غرامه .… بهذهِ اعتقد

و العبد اذا خالف إمامه .… هذا مو عبد

فالحُبُ يموتُ و يحيا .… على قدرِ ما يُرضي الامام

و على قدرِ الالتزامِ .… يدنوا المطيعون

هالطاعة منشأها العقل .… و العقل بالحُب متصل

من يكتمل حُب الحُسين .… معناها عقلي مكتمل

و عقلي يگلي انفجع .… و لا تكتفي بصب الدمع

باللطم ضلعك اكسره .… من تسمع بكسر الضلع

مصيبة بُكرّةً إلها و عشية .… تبچي فاطمة

و بالدم لعظم هاي الرزية .… مطرت السما

و انه ديني اسعاد الزچية .… هيچي افهمه

الرايد للهوى يجرب .… هيچي افهمه

الرايد للهوى يجرب … يشرق خله و يغرب

الحُب دين الحُسينيين .… وهل الدينُ إلا الحُب