زين العباد - فيديو (مكتوبة) - محمد باقر الخاقاني
زين العباد(مكتوبة)
الرادود: محمد باقر الخاقاني
ياغيرة الله وزين العباد
بضعنك فواطم نبي
بكلبك مخيم صبح رماد
واعضم جروحك سبي
جرحك بنالي عزاء بنص خيم
علمني حزنك اعيش الحب الم
والدمعه هيه انيس اهل الحزن
والطف وجودي بدونه ارجع عدم
منبري وعزائي
يا امام اليبدي بيك ونتهي رثائي
منبري وعزائي
حزنك وحبك سواجي التقن بدمائي
منبري وعزائي
يا اسير الغربه لجلك حسرتي وبكائي
الماي الماي .. جرح يچوي بوجدانك
والشام الشام .. سبب كل دمع احزانك
انته المصيبه وابو المصاب
كل البچي لمحنتك
شما قدمولك زاد وشراب
تمزجه بدمع غربتك
ياولي مثلك تمحن وابتله
بايت ليالي اربعين بسلسله
حگك تون وتموت من الهضم
فاگد عشيره خدرها بكربله
شكد هضيمه بيها
منين ما كلب حياتك سيدي واجيها
شكد هضيمه بيها
ليت امي لم تلدني ابقه اون عليها
شكد هضيمه بيها
دمعتك من شفت سكنه چتفو اديها
السيف السيف .. شرب من دم اخوانك
والشام الشام .. سبب كل دمع احزانك
كد مايحبك الله ويريدك
عشت ومتت مبتلي
تشوف الهوان وتچتف ايدك
لأنك اسمك علي
تودع ابوك عله ناگه معجفه
ترجع تدفنه جروحه النازفه
يتهاوه فوگك مخيم محترك
هذ الوصلنه والاعظم ماخفه
يا ابو المصيبه
الشاف جثت والده فوك الثره سليبه
يا ابو المصيبه
الصار اسم عمته العقيله بكربله غريبه
يا ابو المصيبه
الشاف خدر اهله تسلب ونهب نهيبه
النار النار .. عدو طب بصيوانك
الشام الشام .. سبب كل دمع احزانك
وصي الذبيح وبقية اهلك
وحدك شلت كربله
كل المراثي والدمعه لجلك
يمعاشر السلسله
ماتنسه عمتك غريبه بنينوه
من طلعت من المخيم للضوه
وعظم مصيبه مثلها ماسده
عالثره ابوك وي الاكبر من هوه
چم درب مشيته
بالحديد وحادي ضعنك اجنبي لگيته
چم درب مشيته
التنسبي جدامه عمته تنجرح حميته
چم درب مشيته
يغسل ويدفن يتامه دمعك البچيته
الليل الليل .. رعب عاشن نسوانك
الشام الشام .. سبب كل دمع احزانك
كل المواجع بالطف عشتها.
ودرب السبي والهزل
رقيه طفله وتذبل شفتها
من الهظم والحبل
چانت ابوها تدور عن حظن
ماتت غريبه رقيه من الحزن
عاشت عمرها اميره مدلله
تالي بضلام الخرايب تندفن
تنكسر خواطر
لحسرتك مولاي لازم تنچوي الضماير
تنكسر خواطر
(يابوحمزه لاتلمني)گتله كلبي شاجر
تنكسر خواطر
هم سمعت وشفت لهلي ينسبن حراير
الخيل الخيل .. ثجيله وصبرك خانك
الشام الشام .. شبب كل دمع احزانك
التعلیقات