حلم ضاع - فيديو (مكتوبة) - محمد الجنامي
حلم ضاع(مكتوبة)
الرادود: محمد الجنامي
عــلـي راح ... عــلــي راح
كالوها و آني شيـبت ييمه
حـلـم ضـاع ... حـلـم ضـاع
وبروحتك صارت حياتي ظلمه
يايمه من كالو رحت .. كمت وعلى وجهي طحت
هــضــمــنــي زمــانــي
اوداعة عيونك يالولد .. ماشوف بعيوني بعد
وداعــــك عـــمـــانــ
خذت ثلثين حيلي بهذا الفراك
شسوي الكلبي لو للغالي يشتاك
غيابك منه كاس الحنظل انضاك .. ييمه
بـــالاحـــلام ... بـــالاحـــلام
يالما تمر مو حكها عيني تعمه
حـلـم ضـاع ... حـلـم ضـاع
وبروحتك صارت حياتي ظلمه
يابعد عمري ياعئي .. ما ادري ما مقسوم الي
يــســهـــر اللـــيــالــي
للشيب رايدتك ذخر .. تاليها اودعك للكبر
هــظــمــيــه يــاغــالــي
حسبتك عود خيمه لتالي عمري
اموت و انته التوسدني كبري
يتعب اسنيني ليش اكسرت ظهري .. ييمه
رحــت لـيـش ... رحــت لـيـش
اكضي العمر وياك مالي قسمه
حـلـم ضـاع ... حـلـم ضـاع
وبروحتك صارت حياتي ظلمه
يمه الولد للام وطن .. تعتازه لو خان الوطن
لــكــبــرها تــريــده
اكبر اولادي و هيبتي .. بالسلف أنت كشختي
عــفــتــنــي وحــيــده
يشوف العين عنك تسأل العين
شكل الها إذا كالت علي وين
تره بفركاك شيب كلب الحسين .. ييمه
حــبــيــبــي ... حــبــيــبــي
ماي و تبده بكربله اشيلمه
حـلـم ضـاع ... حـلـم ضـاع
وبروحتك صارت حياتي ظلمه
يالعايف امك للقهر .. وعايف اخو محني الظهر
لــلــثــكــال يــريــدك
بعدك ذبل مثل الشمع .. و يبات بعيونه الدمع
اخـــوك و عــــــضــيـــدك
خواتك يا علي ظلن غريبات
يلطمن عالوجه جدام شمات
تره حكهن عزيز اكلوبهن مات .. ييمه
غـــبــت ويـــن ... غـــبــت ويـــن
يامن جنت تضوي بسمانه نجمه
حـلـم ضـاع ... حـلـم ضـاع
وبروحتك صارت حياتي ظلمه
يمضوي ديرتنه أمس .. عنه غبت مثل الشمس
رحـــيـــلك مــنــيـــه
بكلبي جرح منه انلجم .. ما تدري لو عندك علم
خـــذونـــي ســبـــيــه
مشيت اعله الهزل يانور العيون
علي و سوط الشمر نايم بالمتون
كضيت الدرب كله اشلون بشلون .. ييمه
ســبــيــه ... ســبــيــه
بديوان اطب يايمه والله زحمه
حـلـم ضـاع ... حـلـم ضـاع
وبروحتك صارت حياتي ظلمه
التعلیقات