يا ريحة امي - فيديو (مكتوبة) - محمد الجنامي
يا ريحة امي(مكتوبة)
الرادود: محمد الجنامي
ياريحة امي لاتفارق عيني
جرح الوداع وجرحك يبجيني
بُعدك جمر يلهب ••• ارحم قلب زينب
يغالي ••• يغالي
بفجر رمضان ••• وكت الاذان
بروحتك روحي احسها طلعت وياك
الوز تلقاك ••• الباب حاجاك
وكلشي يصرخ علي رد يذبحنه فرقاك
قلبي حس بالشر واعرفه قلبي حساس
ساعة واسمع ضجه صارت صاحت الناس
حيدره ساجد وصابه السيف بالراس
بويه ••• بويه
بسابع سمه الجبريل اسمع صايح
اعمامة علي لو عرش الله الطايح
بدم وجهك تخضب ••• ارحم قلب زينب
يغالي ••• يغالي
أوقفت عالباب ••• ودمعي سجاب
من بعيد اسمع بواجي الحسن وحسين
شايلينك ••• ابدم جبينك
اقبالي وانا اصرخ يخوتي جا علي وين
ما اصدق هالشمس تتوجه بنجوم
يعني معقوله علي مايقدر يقوم
من عمت عيني عليك اشكثر مظلوم
بويه ••• بويه
عينك عليه وحزن غطه انفاسك
وابمعصبي شديت طبرة راسك
ياتاجي والمعصب ••• ارحم قلب زينب
يغالي ••• يغالي
طحت اشمك •• وادعي يمك
روحي فوقك هايمه مثل الحمامه
دمعتي تقول •• شده وتزول
إن شاء الله ياوالدي تقوم بسلامه
اضم قدامك دمعتي خاف أذيك
وصحت غير العافية يعيوني مابيك
بويه شمعة ابيتنا الله يخليك
بويه ••• بويه
فدوه اروحن ياعلي لشيباتك
ارحم اولادك وارحم ابنياتك
يم طبرتك تنحب ••• ارحم قلب زينب
يغالي ••• يغالي
وكت الفطور •• شيبتك نور
والله وحشه القعده يالغالي بدونك
لمن اتروح •• نشبع جروح
نعيش احنه والدمع اوداعة عيونك
والدي يحلى بوجودك شهر رمضان
ينترس بيتك ضوه من تقرا قرآن
الله لايحرمنا منك يا اغلى انسان
بويه ••• بويه
مشتاقه روحي الطيبك وحنيتك
مشتاقه اشوفك شمعة تضوي ابيتك
وجهك إذا غرب ••• ارحم قلب زينب
يغالي ••• يغالي
الزهرة راحت •• وروحي ناحت
وهسه انته أتريد هم اتروح عني
وبعدك النوب •• الحسن مصيوب
واوقف اعله الطشت يمه وظهري محني
ياعلي وكربلا باجر تهدم الحيل
صدر اخوي حسين اشوفه اتهشمه الخيل
و آه يذاك الليل ينعد ابألف ليل
بويه ••• بويه
ليلة الوحشة بويه مر اعليه
بس ليله وحده وانوخذ مسبيه
واخيمنه تتسلب ••• ارحم قلب زينب
يغالي ••• يغالي
التعلیقات