بالوداع اشحالچ - فيديو (مكتوبة) - مسلم الوائلي
بالوداع الشحالج(مكتوبة)
الرادود: مسلم الوائلي
باجر يزينب بالوداع اشحالج
لو شفتي مهر حسين خالي اگبالج
باجر اشحالج من يطر المصباح
ترس اذنج اتسمعين ابو الأكبر طاح
ضجت املاك السمه وصار اصياح
طاح حسين وگومي لمي اعيالج
الله يعينج من يصبح باجر
وحسين مطبوع اعله صدره الحافر
يا مره المثلج عالمصيبه اتكابر
باجر الخيل ادوس فوگ اطفالج
باجر يردلج خالي من خياله
طايح حسين وما دريتي شحاله
رد المهر يصهل اگبال اعياله
والسرج كله اسهام ردلج شابج
وتودعي وياهم الليله بلوعه
وباجر الروس اگبالجن مگطوعه
حگه اليشوفج ما يكض دموعه
وحگها الثواجل من تظل تنعالج
وشلون حالج وانتي باجر تدرين
لا يبقه عباسج ولا يبقه حسين
وليا جسد باجر يزينب ترحين
موته الزلم ومحرگات اخيامج
~~~
وشجابج الطف المصيبه وضيمه
حفاي باجر تارسات الهيمه
لا ستر عدجن لا زلم لا خيمه
وحر الشمس باجر يغير اثيابج
الله يعينج عالمصيبه الليله
وحسين عالماتوا تفرهد حيله
مكسور ظهره ومحد يتجيله
خلصت انصاره وبعد بيش يعارج
~~~~
وتودع وياهم اوداع الفاگد
ولدج واخوتج ودعي واحد واحد
باجر شمرهم عله حسينج گاعد
وتبسم الملعون لمن شافج
باجر تفض الخوه يهل الغيره
وما ادري باجر رايحه اليا ديره
كتال اخوتي الحادي هاي الحيره
وما ينفع وياهم يحره اعتابج
التعلیقات