لمحة بصر - فيديو (مكتوبة) - باسم الكربلائي
لمحة بصر(مكتوبة)
الرادود: باسم الكربلائي
لمحة بصر لفه الحزن وخذ نصيبه
حكم الدهر يظل علي بلا حبيبه
ياخذ ياعمر .. بسمار الغدر
تغير كل وجه ونقلبو إبلحظه
أثاري من زمان الناس معترضه
إجه وين اليعيش الحقد وي نبضه
يريد إيشوف مقتل فاطمه أويرضه
شبه الزلم صفو زلم عله الوديعه
تبت يدا أبي لهب وتب صنيعه
ماخله صبر .. بسمار الغدر
ثلث مية الإجو وتحشدو ضدها
وهي حرمه يتيمه أو تنعه والدها
ولا واحد سأل من وصلو الحدها
عليمن والزجيه ياذنب عدها
كلشي وضح أهل غدر أهل خيانه
صحبة جذب بلا عهد ولا أمانه
ميطيب إبعذر .. بسمار الغدر
نعم صحبة جدب وكلوب مختلفه
هجم أكبر حقود أو دافعه إنعرفه
رفس باب الولايه أو فاطمه خلفه
عصرها إبقوته وبونها يتشفه
كلمة وإن جبل وكع على الزجيه
أم الأرض بلا أرض كأن سبيه
وضح هالأمر .. بسمار الغدر
أنا بنت الرسول إتكله والبضعه
سمعها أو زاد قسوه أو بابها إيدفعه
تكله إنكسر ضلعي إيكلها ماسمعه
تكله إبياذنب جاوبها بالصفعه
سطرة نذل الى الحشر يظل أثرها
عمر الورد ثمنطعش خلص عمرها
يكسر ياصدر .. بسمار الغدر
بعد ماحاولت لاكن بلا جدوه
ضعيفه والنذل من يرفس إبقوه
تنادي يا أبه أو عالگاع تتلوه
كتل إبني أو كتلني الفاكد إمروه
بويه العدو كسر ضلع قتل جنيني
ماكو رضه الى الأبد يظل ونيني
يالمني إشكثر .. بسمار الغدر
علي صابر بقه لكن جزع صبره
لكاهه إبهل وضع للموت متحضره
يعين الله علي من شاهد السطره
بجه يمها ودموعه سولفت عذره
شمعة علي بلا ذنب طفو ضواها
ونة صبر الى الأبد يظل صداها
جن ذابح فجر .. بسمار الغدر
مشت للمغتسل والبيت ظل خالي
واجاها إحسين يركض والدمع هالي
بحق جدي ييمه باوعي الحالي
لمن شالت إديها أو ضمت الغالي
ميته أو تحن على الإبن تمد إديها
أهل السمه دمع دمه بجو عليها
يشهد بالحشر .. بسمار الغدر
حملها للگبر وألتموا اعليها
ظلام وكلمن بدمعة يحاجيها
حسن ينظر لزينب والبواچيها
يتيمة اخلاف عينج من يباريها
زينب تون واهي تحس بده ألمها
من الگبر كأن رأت حرگ خيمها
تذكر باليسر .. بسمار الغدر
التعلیقات