ليلة مولد الزهراء - فيديو (مكتوبة) - باسم الكربلائي
ليلة مولد الزهراء(مكتوبة)
الرادود: باسم الكربلائي
ليلة مولِد الزهراء إفرح بالولاده إفرح
وإتصَدَّق إذا تِگدر وإذا تنجرِح لاتجرح
وإمدح بِت نبي الرحمن رَبّك بيها من تمدح
ينطيك الجنّه إومابيها
مِد إيدَك الرب الكون ليلَة مولِد الزهره
تِنزل مائِدة مريم عليك وتنجلي الحَسره
سُفره إمن السِمه للگاع رَبّك فارِش السُفره
من بابه البابك مَمدوده
كِل صعبه التمر عالبال بس تدعيها ماتصعَب
وإذا رِدْت القُرِب لله بالزهراء تتقَرّب
نور ونازل إمن النور يامشكاة نور الرب
من نور الخالِق مخلوقه
قَبِل لاينخِلِق آدم خالِق ربَك الزهراء
لذالك من عِصَه أمره صاحه إوعلّمه الاسماء
بسمها لو دعه عَبده ينطي العَبِد كل ماشاء
كل دعوه ابفاطِم مقبوله
يوم المحشر إبحُبها تِرجَح كَفّة الميزان
وأبداً مايمر شخصك مالِك خازن النيران
ويصيحك علي وينطيك صَك الجنّة الرضوان
يرويك الكوثر بچفوفه
ماترجع أبد للگاع إيدك من تِشيل إيدك
كل ماتدعي بالزهراء خير الخالق إيزيدك
يوم الحشر وانته إوحيد محّد صَدِّگ إيفيدك
بس حُب الزهره المعصومه
التعلیقات